കേരള സർവകലാശാലയിൽ പരതിഷേധവുമായി വിവിധ സംഘടനകൾ. സർവകലാശാലയ്ക്കുള്ളിൽ എഐഎസ്എഫ് പ്രവർത്തകർ പ്രതിഷേധം നടത്തിയപ്പോൾ, പുറത്ത് ഡിവൈഎഫ്ഐ പ്രവർത്തകർ കുത്തിയിരിപ്പ് സമരം സംഘടിപ്പിച്ചു. എഐഎസ്എഫ് പ്രവർത്തകരെ പൊലിസ് ബലപ്രയോഗത്തിലൂടെ അറസ്റ്റ് ചെയ്ത് നീക്കി.

രാവിലെ 11 മണിയോടെ സർവകലാശാല ആസ്ഥാനത്ത് എത്തിയ രജിസ്ട്രാർ ഡോ. കെ.എസ്. അനിൽകുമാർ ഇതുവരെ ഓഫിസിൽ പ്രവേശിച്ചിട്ടില്ലെന്നാണ് ലഭിക്കുന്ന വിവരം. താത്കാലിക രജിസ്ട്രാർ ചുമതലയേൽക്കാൻ വൈസ് ചാൻസലർ നിയോഗിച്ച മിനി കാപ്പനും ഇതുവരെ ചുമതല ഏറ്റെടുത്തിട്ടില്ല. മിനി ഇപ്പോൾ സർവകലാശാലയ്ക്കുള്ളിലുണ്ട്, എന്നാൽ, അവർ ഇന്ന് ചുമതല ഏറ്റെടുക്കുമോ എന്ന കാര്യം വ്യക്തമല്ല.

ALSO READ: കോട്ടയം മെഡിക്കല്‍ കോളജ് അപകടത്തില്‍ മരിച്ച ബിന്ദുവിന്റെ കുടുംബത്തിന് 10 ലക്ഷം രൂപ സര്‍ക്കാര്‍ ധനസഹായം നല്‍കും

ഈ സാഹചര്യത്തിലാണ് എഐഎസ്എഫ് പ്രവർത്തകർ സർവകലാശാലയ്ക്കുള്ളിൽ പ്രതിഷേധം ആരംഭിച്ചത്. കെട്ടിടത്തിനുള്ളിലേക്ക് കടക്കാൻ ശ്രമിച്ച പ്രവർത്തകരെ പൊലിസ് ബലം പ്രയോഗിച്ച് അറസ്റ്റ് ചെയ്ത് നീക്കി.

ഇതിന് പിന്നാലെ, പ്രതിഷേധവുമായി എത്തിയ ഡിവൈഎഫ്ഐ പ്രവർത്തകർ ബാരിക്കേഡുകൾ വച്ച് അടച്ച ഗേറ്റ് തകർത്ത് അകത്തേക്ക് കടക്കാൻ ശ്രമിച്ചു. ഇതേതുടർന്ന് പൊലിസ് ജലപീരങ്കി ഉപയോഗിച്ചു. ഇതിൽ, പ്രകോപിതരായ പ്രവർത്തകർ പൊലിസിനെയും പൊലിസ് വാഹനങ്ങളെയും ആക്രമിച്ചു.

നിലവിൽ, ഡിവൈഎഫ്ഐ പ്രവർത്തകർ സർവകലാശാലയ്ക്ക് മുന്നിൽ കുത്തിയിരിപ്പ് പ്രതിഷേധം തുടരുകയാണ്. അതിനിടെ, ഗവർണറുടെ വസതിയിലേക്ക് എസ്എഫ്ഐ പ്രവർത്തകർ പ്രതിഷേധവുമായി നീങ്ങിയതായും റിപ്പോർട്ടുകൾ ഉണ്ട്.

Protests erupted at Kerala University as AISF activists staged a demonstration inside the campus, while DYFI workers organized a sit-in protest outside. The situation escalated when police used force to arrest and remove AISF activists from the scene ¹.