അല്‍ഐന്‍: കുറഞ്ഞ നിരക്കില്‍ ഗുണമേന്മയുള്ള ഉല്‍പന്നങ്ങള്‍ ഉപഭോക്താക്കള്‍ക്ക് ലഭ്യമാക്കുന്ന ലുലുവിന്റെ ജി.സി.സിയിലെ ഏറ്റവും വലിയ ലോട്ട് സ്റ്റോര്‍ അല്‍ഐന്‍ അല്‍ഫുഅ മാളില്‍ തുറന്നു. ലുലു ഗ്രൂപ്പ് എക്‌സിക്യുട്ടീവ് ഡയരക്ടര്‍ എം.എ അഷറഫ് അലിയുടെ സാന്നിധ്യത്തില്‍ ഫെഡറല്‍ നാഷനല്‍ കൗണ്‍സില്‍ അംഗം ശൈഖ് ഡോ. സാലം ബിന്‍ റക്കാദ് അല്‍ ആമിരി അല്‍ ഐനിലെ പുതിയ ലോട്ടിന്റെ ഉദ്ഘാടനം നിര്‍വഹിച്ചു.

ജി.സി.സിയിലെ പതിനേഴാമത്തേയും യു.എ.ഇയിലെ ഏഴാമത്തേയും ലോട്ടാണ് അല്‍ ഐനിലേത്. 5300 ചതുരശ്ര അടിയിലുള്ള ലോട്ടില്‍ ഭൂരിഭാഗം ഉല്‍പന്നങ്ങള്‍ക്കും 19 ദിര്‍ഹമില്‍ താഴെയാണ് വില. ഗൃഹോപകരണങ്ങള്‍, കിച്ചന്‍ വെയര്‍, ഫാഷന്‍ ഉല്‍പന്നങ്ങള്‍, സൗന്ദര്യ വര്‍ധക വസ്തുക്കള്‍ അടക്കം വിപുലമായ ശേഖരമാണ് ലോട്ടില്‍ ഒരുക്കിയിട്ടുള്ളത്. യു.എ.ഇയിലെ പ്രാദേശിക ഉല്‍പന്നങ്ങള്‍ക്കൊപ്പം ആഗോള ഉല്‍പന്നങ്ങളുടെ വൈവിധ്യമാര്‍ന്ന ശേഖരവും ലോട്ടിലുണ്ട്. 2050 ആകുമ്പോഴേക്കും 50 ലോട്ട് സ്റ്റോറുകള്‍ എന്നതാണ് ലക്ഷ്യം. ലുലു ബയിങ് ഡയരക്ടര്‍ മുജീബ് റഹ്മാന്‍, അല്‍ഐന്‍ റീജിയണല്‍ ഡയരക്ടര്‍ ഷാജി ജമാലുദ്ദീന്‍, ലുലു അബൂദബി ആന്‍ഡ് അല്‍ ദഫ്ര റീജിയണ്‍ ഡയരക്ടര്‍ അബൂബക്കര്‍ തുടങ്ങിയവരും ഉദ്ഘാടന ചടങ്ങില്‍ പങ്കെടുത്തു.

The largest in the GCC opens in Al Ain