മംഗളൂരു: മംഗളൂരു റിഫൈനറി ആൻഡ് പെട്രോ കെമിക്കൽ ലിമിറ്റഡിലുണ്ടായ വിഷ വാതക ചോർച്ചയിൽ രണ്ട് ജീവനക്കാർ മരിച്ചു. മരിച്ചവരിൽ ഒരാൾ മലയാളിയാണ്. കോഴിക്കോട് കക്കോടി സ്വദേശി ബിജിൽ പ്രസാദ്, ഉത്തർപ്രദേശ് പ്രയോഗരാജ് സ്വദേശി ദീപ് ചന്ദ്ര എന്നിവരാണ് മരണപ്പെട്ടത്. 

ഇന്ന് രാവിലെയാണ് സംഭവം നടന്നത്. എൻആർപിഎല്ലിൽ ടാങ്ക് പ്ലാറ്റഫോമിന് മുകളിൽ ഇരുവരെയും ബോധരഹിതനായി കണ്ടെത്തുകയായിരുന്നു. ഇവരെ ഉടനെ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിക്കാതെ പോവുകയായിരുന്നു. 

ഇരുവരുടെയും മൃതദേഹങ്ങൾ പോസ്റ്റ്മോർട്ടം ചെയ്യാനായി മാറ്റിയിട്ടുണ്ട്. ഇവർ വിഷവാതകം ശ്വസിച്ചതാണ് മരണകാരണം. അപകടത്തിൽ മറ്റുള്ള ജീവനക്കാർക്ക് പരുക്ക് സംഭവിച്ചിട്ടുണ്ടോ എന്ന വിവരങ്ങൾ ഇതുവരെ പുറത്തുവന്നിട്ടില്ല. ചോർച്ച നടന്ന സമയങ്ങളിൽ തന്നെ കർച്ച പരിഹരിച്ചുവെന്ന് കമ്പനി അധികൃതർ അറിയിച്ചു. സംഭവത്തിൽ കൂടുതൽ അന്വേഷണം നടക്കുകയാണെന്നാണ് അധികൃതർ അറിയിച്ചത്. 

Toxic gas leak at Mangaluru refinery Two people including a Malayali die tragically