കണ്ണൂര്‍: കുളത്തില്‍ വീണ കുട്ടിയുമായി ആശുപത്രിയിലേക്ക് പോകുന്ന ആംബുലന്‍സിന് വഴിമുടക്കിയ ബൈക്ക് യാത്രികനെതിരേ നടപടി. താഴെ ചൊവ്വ സ്വദേശി കൗശിക്കിന് 5000 രൂപയാണ് പൊലിസ് പിഴ ചുമത്തിയത്. 

ഇന്നലെ വൈകീട്ടായിരുന്നു സംഭവം. പഴയങ്ങാടിയില്‍ നിന്നും കണ്ണൂരിലെ സ്വകാര്യ ആശുപത്രിയിലേക്ക് വരികയായിരുന്നു ആംബുലന്‍സ്. സയറണ്‍ മുഴക്കിയിട്ടും സൈഡ് കൊടുക്കാത്തതിന്റെ ദൃശ്യങ്ങള്‍ പുറത്ത് വന്നിരുന്നു. കണ്ണൂര്‍ ട്രാഫിക് പൊലീസാണ് പിഴ ചുമത്തിയത്. 

അതേസമയം ആശുപത്രിയില്‍ പ്രവേശിപ്പിച്ച കുട്ടിയുടെ നില ഗുരുതരമായി തുടരുന്നു.