റഷ്യയും യുക്രൈനും 50 ദിവസത്തിനുള്ളിൽ വെടിനിർത്തൽ കരാറിൽ എത്തിയില്ലെങ്കിൽ റഷ്യക്ക് മേൽ 100% തീരുവ ചുമത്തുമെന്ന മുന്നറിയിപ്പുമായി അമേരിക്കൻ പ്രസിഡന്റ് ഡൊണാൾഡ് ട്രംപ്.

വൈറ്റ് ഹൗസിൽ ഡച്ച് പ്രധാനമന്ത്രി മാർക്ക് റുട്ടെയ്‌ക്കൊപ്പം നടത്തിയ സംയുക്ത വേദിയിൽ, യുക്രൈനിലെ റഷ്യൻ അധിനിവേശത്തിനെതിരായ നയതന്ത്ര സമ്മർദ്ദത്തിനിടെ ട്രംപ് ഇക്കാര്യം പറഞ്ഞു. "ഞാൻ വ്യാപാരം പല കാര്യങ്ങൾക്കും ഉപയോഗിക്കുന്നു, എന്നാൽ, യുദ്ധങ്ങൾ അവസാനിപ്പിക്കാൻ ഇത് വളരെ ഫലപ്രദമാണ്." ട്രംപ് കൂട്ടിച്ചേർത്തു. 

അതേസമയം, ഡച്ച് പ്രധാനമന്ത്രി മാർക്ക് റുട്ടെ, നാറ്റോ-യുഎസ് കരാറിന്റെ ഭാഗമായി യുക്രൈന് "വൻതോതിൽ" ആയുധങ്ങൾ ലഭിക്കുമെന്ന് വാഗ്ദാനം ചെയ്തു.

ALSO READ: ലണ്ടൻ സൗത്ത് എൻഡ് വിമാനത്താവളത്തിൽ പറന്നുയർന്നതിന് പിന്നാലെ ചെറുവിമാനം തകർന്നുവീണു; നാല് പേർ മരിച്ചു

 റഷ്യയും യുക്രൈനും തമ്മിൽ യുഎസ് മുൻകൈയെടുത്ത് നടത്തിയ വെടിനിർത്തൽ ചർച്ചകൾ ഇതുവരെ വിജയിച്ചിട്ടില്ലെന്നതിൽ ട്രംപ് ആവർത്തിച്ച് നിരാശ പ്രകടിപ്പിച്ചിട്ടുണ്ട്. ഞായറാഴ്ച, റഷ്യൻ പ്രസിഡന്റ് വ്ളാദിമിർ പുടിനോട് താൻ “വളരെ നിരാശനാണ്” എന്ന് ട്രംപ് വ്യക്തമാക്കി. പുടിൻ പറയുന്നത് ഒന്നും, ചെയ്യുന്നത് മറ്റൊന്നുമാണ് എന്ന ആരോപണവും ട്രംപ് ഉയർത്തി.

"അവൻ പറയുന്നതിൽ ആത്മാർത്ഥതയുണ്ടെന്ന് ഞാൻ വിശ്വസിച്ചിരുന്നു — വളരെ സുന്ദരമായി സംസാരിക്കും, പക്ഷേ രാത്രിയിൽ ആളുകളെ ബോംബിട്ട് കൊല്ലും. അത് ഞങ്ങൾക്ക് ഇഷ്ടമല്ല," ട്രംപ് മാധ്യമങ്ങളോട് പറഞ്ഞു. കൂടാതെ, യു‌ക്രൈനിലേക്ക് പാട്രിയറ്റ് എയർ ഡിഫൻസ് മിസൈലുകൾ അയയ്ക്കും എന്നത് അദ്ദേഹം സ്ഥിരീകരിച്ചു.

US President Donald Trump has warned Russia that it will face "very severe" secondary tariffs, potentially up to 100%, if a ceasefire deal isn't reached with Ukraine within 50 days. Trump emphasized using trade pressure to settle wars and isolate Moscow economically. He urged both Russia and Ukraine to negotiate immediately, warning that failure to do so would result in harsh economic consequences ¹.