ബാലസോർ: ഒഡീഷയിലെ ബാലസോറിൽ അധ്യാപകന്റെ പീഡനത്തെ തുടർന്ന് മനംനൊന്ത് വിദ്യാർഥിനി ആത്മഹത്യയ്ക്ക് ശ്രമിച്ച സംഭവത്തിൽ കോളേജ് അധികൃതർക്കെതിരെ വിദ്യാർഥിനിയുടെ പിതാവ് രൂക്ഷ വിമർശനവുമായി രംഗത്ത്. മകൾ പരാതി നൽകിയിട്ടും കോളേജ് പ്രിൻസിപ്പൽ നടപടിയെടുക്കാതിരുന്നതാണ് ഈ ദുരന്തത്തിന് കാരണമെന്ന് പിതാവ് ആരോപിച്ചു. ആരോപണ വിധേയനായ അധ്യാപകനെതിരെ മുമ്പും മറ്റ് വിദ്യാർഥിനികളിൽനിന്ന് പരാതികൾ ലഭിച്ചിരുന്നതായി വെളിപ്പെട്ടു.

കോളേജ് അധികൃതരെ ബന്ധപ്പെട്ടപ്പോൾ, ഇന്റേണൽ കമ്മിറ്റിയുടെ റിപ്പോർട്ടിനായി കാത്തിരിക്കണമെന്നാണ് നിർദേശിച്ചതെന്ന് പിതാവ് പറഞ്ഞു. "പ്രിൻസിപ്പൽ ഉടൻ നടപടിയെടുത്തിരുന്നെങ്കിൽ മകൾക്ക് ഈ ഗതി വരില്ലായിരുന്നു. ഇപ്പോൾ മകളെ കണ്ടാൽ തിരിച്ചറിയാൻ പോലും കഴിയില്ല," എന്ന് അദ്ദേഹം വേദനയോടെ പറഞ്ഞു. 90 ശതമാനം പൊള്ളലേറ്റ വിദ്യാർഥിനി ഭുവനേശ്വറിലെ എയിംസ് ആശുപത്രിയിൽ ഗുരുതരാവസ്ഥയിൽ ചികിത്സയിലാണ്.

സംഭവത്തിൽ ഉന്നത വിദ്യാഭ്യാസ ഡയറക്ടറുടെ നേതൃത്വത്തിൽ പ്രത്യേക അന്വേഷണ സംഘം രൂപീകരിച്ച് അന്വേഷണം ആരംഭിച്ചിട്ടുണ്ട്. കോളേജിന്റെ അനാസ്ഥയും അധ്യാപകന്റെ പെരുമാറ്റവും വിശദമായി പരിശോധിക്കുമെന്ന് അന്വേഷണ സംഘം വ്യക്തമാക്കി.

 In Balasore, Odisha, a female student attempted suicide due to harassment by a teacher, with her father alleging the college principal failed to act despite complaints. The accused teacher faced prior allegations. The student, with 90% burns, is under treatment at AIIMS Bhubaneswar. A special investigation team, led by the Higher Education Director, is probing the case.