ചെന്നൈ: വിദ്യാർത്ഥികളുടെ പഠനം മെച്ചപ്പെടുത്താനും ക്ലാസ് മുറികളിൽ എല്ലാവരും ഒരുപോലെ പങ്കെടുക്കുന്ന അന്തരീക്ഷം ഉണ്ടാക്കാനും തമിഴ്നാട് സർക്കാർ സ്കൂളുകളിൽ U-ആകൃതിയിലുള്ള ഇരിപ്പിട ക്രമീകരണം നിർബന്ധമാക്കി. പരമ്പരാഗത പിൻനിരയിലിരിക്കുന്ന ആശയം ഒഴിവാക്കി എല്ലാ വിദ്യാർത്ഥികളെയും മുൻനിരയിൽ കൊണ്ടുവരാനാണ് ഈ തീരുമാനം.

ജൂലൈ 11-ന് സ്കൂൾ വിദ്യാഭ്യാസ ഡയറക്ടർ പുറപ്പെടുവിച്ച ഉത്തരവിൽ, എല്ലാ സർക്കാർ സ്കൂളുകളിലും ഈ പുതിയ ഇരിപ്പിട രീതി നടപ്പാക്കാൻ പ്രധാനാധ്യാപകർക്ക് നിർദേശം നൽകി. വിദ്യാർത്ഥികളുടെ എണ്ണവും ക്ലാസ് മുറിയുടെ വലിപ്പവും പരിഗണിച്ച് ഈ ക്രമീകരണം ഏർപ്പെടുത്തണം. ജില്ലാ മുഖ്യ വിദ്യാഭ്യാസ ഓഫീസർമാർ ഇത് നടപ്പാക്കുന്നുണ്ടെന്ന് ഉറപ്പാക്കണമെന്നും ഉത്തരവിൽ പറയുന്നു. 

ALSO READ: വിസ കാലാവധി കഴിഞ്ഞ റഷ്യൻ യുവതിയും കുട്ടികളും കർണാടകയിലെ ഗുഹയിൽ : ആത്മീയ ധ്യാനത്തിലായിരുന്നുവെന്ന് യുവതി

യു- ആകൃതിയിലുള്ള ഇരിപ്പിടം പഠനം എളുപ്പമാക്കുകയും വിദ്യാർത്ഥികൾക്കിടയിൽ ആശയവിനിമയം വർദ്ധിപ്പിക്കുകയും ചെയ്യും. എല്ലാവർക്കും തുല്യ അവസരം ലഭിക്കും,” ഉത്തരവിൽ വ്യക്തമാക്കി. ഈ രീതി അധ്യാപകർക്ക് എളുപ്പത്തിൽ ചലിക്കാനും വിദ്യാർത്ഥികളുമായി നേരിട്ട് സംസാരിക്കാനും സഹായിക്കും. U-ആകൃതിയിലുള്ള ലേഔട്ട് ക്ലാസിന്റെ നടുവിൽ ഇടം ഒഴിച്ചിടും. ഇത് റോൾ പ്ലേ, ശാസ്ത്ര പരീക്ഷണങ്ങൾ, ചർച്ചകൾ തുടങ്ങിയവ എളുപ്പമാക്കും. വിദ്യാർത്ഥികൾ പരസ്പരം മുഖാമുഖം ഇരിക്കുന്നത് സഹകരണവും ആത്മവിശ്വാസവും വർദ്ധിപ്പിക്കുമെന്നും ഉത്തരവ് ചൂണ്ടിക്കാട്ടി.

Tamil Nadu schools have mandated a U-shaped seating arrangement to enhance student learning and foster an inclusive classroom environment. This move eliminates the concept of backbenchers, ensuring all students are equally engaged. Inspired by the Malayalam film Sthanarthi Sreekuttan, the new layout promotes better interaction, visibility, and collaboration