ഇനി ഇലക്ട്രിക്കിന്റെ കാലമാണ്.എല്ലാ കമ്പനികളും പതിയെ ഇലക്ട്രിക്കിലേക് മാറി തുടങ്ങി.ഇന്ന് ഇന്ത്യയിലും പല വിധത്തിലുള്ള പല കമ്പനികളുടെ ഇലക്ട്രിക് മോഡലുകൾ ലഭ്യമാണ്.ആ കൂട്ടത്തിലേക്ക് പുതിയൊരു മോഡൽ കൂടി ചേർക്കപെടുകയാണ്. ഇത്തവണ ജർമൻ കമ്പനിയായ മെഴ്സിഡിസ് ബെൻസ് ആണ് പുതിയ മോഡലുമായി രംഗത്തെത്തിയിരിക്കുന്നത്.

2020 വരെ ഇന്ത്യൻ മാർക്കറ്റുകളിൽ ഉണ്ടായിരുന്ന ജനപ്രിയ മോഡലായ ബെൻസ് സി എൽ എ യുടെ ഇലക്ട്രിക് പതിപ്പാണ് ബെൻസ് ഇനി ഇന്ത്യയിൽ അവതരിപ്പിക്കുന്നത്.  ഇലക്ട്രിക്കിനൊപ്പം ഒരു ഹൈബ്രിഡ് സി എൽ എ മോഡൽ കൂടി  ഇതോടപ്പം ബെൻസ് ഓഫർ ചെയ്യുന്നുണ്ട്. എന്നാൽ ഇതു വേരെ നമ്മൾ കണ്ട സി എൽ എ മോഡലിന് ബാറ്ററി വെച്ച മോഡൽ അല്ല പുതിയ ഇലക്ട്രിക് സി എൽ എ മറിച്ച്  ഇത് ഒരു ബോൺ ഇലക്ട്രിക് സെഡാൻ ആയിട്ടാണ് ബെൻസ് രൂപകല്പ്പന ചെയ്തിട്ടുള്ളത്.ആദ്യ സി എൽ എ മോഡൽ എം എഫ് എ പ്ലാറ്ഫോം അടിസ്ഥാനമക്കി നിർമിച്ചവ ആയിരുന്നെങ്കിൽ ഇലക്ട്രിക് സി എൽ എ (ബെൻസ് മോഡുലാർ ആർടിടെക്ചർ) എം എം എ അടിസ്ഥാനമാക്കി നിർമ്മിച്ചവയാണ്. എം എംഎ പ്ലാറ്ഫോം  ബെൻസ് അവരുടെ ഇലക്ട്രിക് വാഹനങ്ങൾക്കും ഹൈബ്രിഡ് വാഹനങ്ങൾക്കും ഒരു പോലെ ഉപയോഗിക്കാൻ പുതുതായി രൂപകല്പ്പന ചെയ്ത പ്ലാറ്ഫോം ആണ്. ബെൻസ് സ്വന്തമായി ഉണ്ടാക്കിയ ഓപ്പറേറ്റിംഗ് സിസ്റ്റം (എം ബി ഒ എസ് ), എ ഐ  അതിഷ്ഠിതമായ വേർച്വൽ അസിസ്റ്റന്റ്, ഇകോ ഫ്രണ്ട്‌ലി മെറ്റീരിയൽ കൊണ്ടുള്ള നിർമാണം തുടങ്ങിയവ ഇതിന്റെ പ്രതേകതകളാണ്. പുതിയ കാർ ആയത് കൊണ്ട് തന്നെ പഴയ മോഡലിൽ നിന്ന് ഡിസൈനിൽ  കാര്യമായ മാറ്റങ്ങൾ പ്രകടമാണ്.പുതിയ പ്ലാറ്ഫോം പ്രകാരം കൂടുതൽ റിയർ സീറ്റ്‌ സ്പേസ് ഇത് വാഗ്ദാനം  ചെയ്യുന്നു.
 
ബാറ്ററി, എൻജിൻ സാങ്കേതിക വശങ്ങൾ

ഇലക്ട്രിക് സി എൽ എ  യിൽ രണ്ട് ബാറ്ററി ഓപ്ഷനുകളിൽ വാഹനം ലഭ്യമാണ്. സി എൽ എ 250+ എന്ന മോഡൽ 792 കിലോമീറ്റർ റേഞ്ചും സി എൽ എ 350 4മാറ്റി ക്ക് 771 കിലോമീറ്റർ റേഞ്ചും ആണ് അവകാശപ്പെടുന്നത്.രണ്ടിലും ഒരു 85kwh ബാറ്ററി ആണ് ഉപയോഗിച്ചിരിക്കുന്നത്.ഇനി ഹൈബ്രിഡ് വാഹനത്തിലേക്ക് വരികയാണെങ്കിൽ ഒരു 1.5 ലിറ്റർ 4 സിലിൻഡർ പെട്രോൾ എൻജിനാണ് ഇതിൽ  പ്രധാനമായി നിലകൊള്ളുന്നത്.ഇതിനോട് ജോഡി ആയി 48 വോൾട്ട് ലിതിയം അയോൺ ബാറ്ററിയുമാണ് കൊടുത്തിട്ടുള്ളത്.ഈ ഇലക്ട്രിക് മോട്ടർ 27 ഹോർസ് പവറും 42 ib -ft ടോർക്കും ആണ് വാഹനത്തിന് നൽകുന്നത്.8 സ്പീഡ് ഡ്യൂവൽ ക്ലച്ച് ട്രാൻസ്മിഷൻ ഇതിനോട് ജോഡി ആക്കിയിട്ടുണ്ട്. ഇലക്ട്രിക് മോട്ടോർ കൊണ്ട് 100 സ്പീഡ് വരെ പോകാം എന്നാണ് കമ്പനി അവകാശപ്പെടുന്നത്.

ഡീസലിൻ്റെ മൈലേജ് തരുന്ന പെട്രോൾ എന്ന കോൺസെപ്റ് ആണ് ബെൻസ് ഹൈബ്രിഡ് വാഹനം കൊണ്ട് ഉദ്ദേശിക്കുന്നത്. ഇലക്ട്രിക് മോഡലിൽ ഒരു ഡിസി ഫാസ്റ് ചാർജിംഗ് സംവിധാനം ആണ് വരുന്നത്.ബെൻസ്  പറയുന്നതനുസരിച്ച് 800 വോൾട് ആർട്ടിടെക്ക്ചറിലാണ് സി എൽ എ യുടെ നിർമാണം. അതിനാൽ തന്നെ 186 മൈൽ സഞ്ചരിക്കാൻ  10 മിനിറ്റ് ചാർജിങ് മതി.ഡിസി ഫാസ്റ്റ് ചർജ്ജിംഗ് കൂടാതെ എ സി ചാർജിങ്ങും വാഹനത്തിന് സപ്പോർട്ട് ആകും. എന്തായാലും ഈ വർഷം ഓഗസ്റ്റ് മാസം 15 തിയ്യതി ബെൻസ് സി എൽ എ  ഇലക്ട്രിക്കും ഹൈബ്രിഡും ഇന്ത്യയിൽ ലോഞ്ചിങ് നടക്കും എന്നാണ് വിചാരിക്കുന്നത്. ഇലക്ട്രിക് മോഡലിന് 80 ലക്ഷത്തിനു അടുത്തും ഹൈബ്രിഡ് മോഡലിന് 60 ലക്ഷം അടുത്തുമാണ് വില പ്രതീക്ഷിക്കുന്നത്.

തയാറാക്കിയത്: സാലിഹ് എംപി

Mercedes-Benz is electrifying its popular model, introducing a fully electric version alongside a new hybrid variant, offering eco-friendly performance and advanced technology