ഫലസ്തീൻ ജനതയെ സഹായിക്കുന്നതിനായി യുഎഇ നടത്തിവരുന്ന 'ഓപ്പറേഷൻ ഷിവാൽറസ് നൈറ്റ് 3' ന്റെ ഭാ​ഗമായി കഴിഞ്ഞ ആഴ്ച നാല് വാഹന വ്യൂഹങ്ങൾ ഗസ്സയിലേക്ക് പ്രവേശിച്ചു. ഈജിപ്തിലെ റഫാ അതിർത്തിയിലൂടെയാണ് ട്രക്കുകൾ ഗസ്സയിൽ പ്രവേശിച്ചത്.

76 ട്രക്കുകൾ ഉൾപ്പെട്ട ഈ വാഹന വ്യൂഹത്തിൽ 1,419 ടണ്ണിലധികം സഹായവസ്തുക്കൾ ഉണ്ടായിരുന്നു. ഇതിൽ ഭക്ഷ്യവസ്തുക്കൾ, മരുന്നുകൾ, താമസ സൗകര്യം ഒരുക്കാനുള്ള സാമഗ്രികൾ, ജലശുദ്ധീകരണ ഉപകരണങ്ങൾ എന്നിവ ഉൾപ്പെടുന്നു.

അൽ അരിഷിൽ തമ്പടിച്ച യുഎഇ മാനുഷിക ദുരിതാശ്വാസ സംഘം, സഹായവസ്തുക്കളുടെ കൃത്യമായ ലോഡിങ്ങ്, റഫാ അതിർത്തി വഴിയുള്ള കൈമാറ്റം, ഗസ്സയിലെ ഗുണഭോക്താക്കൾക്ക് വിതരണം എന്നിവ ഉറപ്പാക്കി.

ALSO READ: മരുഭൂമി പച്ചപ്പ് ആക്കാനുള്ള സഊദി ശ്രമം വിജയം കാണുന്നു; പൊടിക്കാറ്റിലും മണൽകാറ്റിലും 53% കുറവ്

ഫലസ്തീൻ കുടുംബങ്ങൾക്ക് സഹായം വേഗത്തിലും കാര്യക്ഷമമായും വിതരണം ചെയ്യപ്പെടുന്നു എന്ന് ഉറപ്പാക്കാൻ ദുരിതാശ്വാസ സംഘം പ്രവർത്തനങ്ങൾ നിരീക്ഷിക്കുന്നുണ്ട്.

വെടിനിർത്തൽ ആരംഭിച്ചതിനുശേഷം, അതിർത്തി കവാടങ്ങൾ വീണ്ടും തുറന്നതിനു പിന്നാലെ, യുഎഇ മാനുഷിക സഹായ ശ്രമങ്ങൾ ശക്തിപ്പെടുത്തി. ഇതുവരെ 325 ട്രക്കുകളിലായി 6,775 ടൺ സഹായവസ്തുക്കൾ ​ഗസ്സയിലേക്ക് അയച്ചു. 

ഫലസ്തീൻ ജനതയെ പിന്തുണയ്ക്കുന്നതിനും, നിലവിലെ സാഹചര്യങ്ങളുടെ ആഘാതം ലഘൂകരിക്കുന്നതിനും, ​ഗസ്സയിലെ കുടുംബങ്ങളോട് ഐക്യദാർഢ്യം പ്രകടിപ്പിക്കുന്നതിനും യുഎഇ തങ്ങളുടെ പ്രതിബദ്ധത വീണ്ടും ഉറപ്പിച്ചു.

The United Arab Emirates has dispatched four relief convoys to Gaza as part of Operation Chivalrous Knight 3, aimed at providing critical support to the Palestinian people. The convoys entered Gaza through the Egyptian Rafah crossing, carrying essential supplies such as food, medical aid, and equipment for a water pipeline project. This effort underscores the UAE's commitment to alleviating the humanitarian crisis in Gaza and standing in solidarity with Palestinian families.