ഇസ്‌റാഈല്‍ സൈന്യത്തെ വിറപ്പിച്ച് ഹമാസ് പോരാളികലുടെ തിരിച്ചടി. ഗസ്സയില്‍ വിവിധയിടങ്ങളില്‍ നടത്തിയ ആക്രമണങ്ങളില്‍ കനത്ത നാശനഷ്ടങ്ങളാണ് റിപ്പോര്‍ട്ട് ചെയ്തിരിക്കുന്നത്. ആക്രമണങ്ങളില്‍ രണ്ട് സൈനികര്‍ക്ക് ഗുരുതരമായി പരുക്കേറ്റതായി ഇസ്‌റാഈലി മാധ്യമങ്ങള്‍ റിപ്പോര്‍ട്ട് ചെയ്യുന്നു. അതേസമയം, ഇന്ന മാത്രം അഞ്ച് സൈനികര്‍ക്ക് പരുക്കേറ്റെന്നാണ് ഹമാസ് വൃത്തങ്ങളില്‍ നിന്നുള്ള റിപ്പോര്‍ട്ട്. മൂന്ന്  ഏറ്റുമുട്ടലുകളിലായി അഞ്ച് സൈനികര്‍ക്ക് ഗുരുതരമായി പരുക്കേറ്റു- ഹമാസ് റിപ്പോര്‍ട്ട് ചെയ്യുന്നു. 

തീരദേശ മേഖലയുടെ വടക്കന്‍ ഭാഗത്തുണ്ടായ പ്രത്യക്രമണത്തിലാണ് ഒരു സൈനികന് പരുക്കേറ്റത്. മറ്റുള്ളവര്‍ക്ക് തെക്കു ഭാഗത്തുവെച്ചുമാണ് പരുക്കേറ്റതെന്ന് ഇസ്‌റാഈല്‍ ടൈംസ് വിശദീകരിക്കുന്നു.വേറെ രണ്ട് സൈനികര്‍ക്ക് നിസ്സാര പരിക്കേറ്റെന്നും റിപ്പോര്‍ട്ടില്‍ വ്യക്തമാക്കുന്നു. ഗുരുതരമായി പരുക്കേറ്റ നാല സൈനികരേയും ആശുപത്രയിലേക്ക് മാറ്റിയിരിക്കുകയാണ്. 

ALSO READ: ഓപറേഷന്‍ ഷിവല്‍റസ് നൈറ്റ്3: യു.എ.ഇയുടെ 13 സഹായ ട്രക്കുകള്‍ കൂടി ഗസ്സയില്‍

തെക്കന്‍ ഖാന്‍യൂനിസില്‍ മുഖാമുഖമുള്ള ഏറ്റുമുട്ടലുകള്‍ തുടരുകയാണെന്നും ഹമാസ് വൃത്തങ്ങള്‍ റിപ്പോര്‍ട്ട് ചെയ്യുന്നു. ഹമാസ് പോരാളികളുടെ ബോംബാക്രമണങ്ങളില്‍ അധിനിവേശകരുടെ നിരവധി കെട്ടിടങ്ങള്‍ തകര്‍ന്നതായി ഇസ്‌റാഈലി മാധ്യമങ്ങള്‍ തന്നെ റിപ്പോര്‍ട്ട് ചെയ്യുന്നുണ്ട്. തുരങ്കങ്ങളില്‍ നിന്ന് തീര്‍ത്തു അപ്രതീക്ഷിതമായുള്ള പ്രത്യാക്രമണങ്ങളാണ് ഹമാസിന്റെ ഭാഗത്തു നിന്ന് ഉണ്ടാവുന്നതെന്നും റിപ്പോര്‍ട്ടുകള്‍ സൂചിപ്പിക്കുന്നു. ഖാന്‍ യൂനിസിലെ അബുഹദാഫ് പ്രദേശത്ത് സയണിസ്റ്റ് സേനയുടെ ഒരു വഹനം പോരാളികള്‍ തകര്‍ത്തു. 

അതേസമയം, ഗസ്സയില്‍ ഇസ്‌റാഈല്‍ കൂട്ടക്കുരുതി തുടരുകയാണ്. ശനിയാഴ്ച ഗസ്സയിലുടനീളം നടത്തിയ ആക്രമണങ്ങളില്‍ 110 ഫലസ്തീനികളാണ് കൊല്ലപ്പെട്ടത്. ഇതില്‍ 34 പേര്‍ സഹായവിതരണ കേന്ദ്രത്തിന് മുന്നില്‍ വരിനില്‍ക്കുമ്പോഴാണ് കൊല്ലപ്പെട്ടത്. 
മധ്യ ഗസ്സയിലെ ദെയ്ര്‍ അല്‍ ബലാഹില്‍ സ്ത്രീകളും കുട്ടികളുമടക്കം 13 പേര്‍ കൊല്ലപ്പെട്ടതായി ആശുപത്രി അധികൃതര്‍ അറിയിക്കുന്നു. ദക്ഷിണ ഗസ്സയിലെ ഖാന്‍ യൂനുസില്‍ 15 പേരാണ് കൊല്ലപ്പെട്ടത്.

ഗസ്സയിലെ തീവ്രവാദികളുടെ 250 ഓളം കേന്ദ്രങ്ങളിലേക്ക് ആക്രമണം നടത്തിയെന്നാണ് ഭക്ഷണത്തിനായി വരിനില്‍ക്കുന്നവര്‍ക്കേ നേരെയുള്ള ഈ ക്രൂരതയെ ഇസ്‌റാഈല്‍ ന്യായീകരിക്കുന്നത്. 

2023 ഒക്ടോബറിനുശേഷം ഇസ്‌റാഈല്‍ ഗസ്സയില്‍ നടത്തിയ വംശഹത്യാ ആക്രമണങ്ങളില്‍ 57,882 ഫലസ്തീനികള്‍ കൊല്ലപ്പെടുകയും 1,38,095 പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്.

ഗസ്സക്ക് പുറമേ അധിനിവിഷ്ട വെസ്റ്റ്ബാങ്കിലും ഇസ്‌റാഈല്‍ കടന്നുകയറ്റം വര്‍ധിച്ചിട്ടുണ്ട്. ജറീക്കോക്ക് സമീപം ഷല്ലാലത്തുല്‍ ഔജയില്‍ ഇസ്‌റാഈലി കുടിയേറ്റക്കാര്‍ ഫലസ്തീനികളുടെ താമസസ്ഥലങ്ങളിലേക്ക് അതിക്രമിച്ചുകയറി. വീടുകള്‍ കയ്യേറിയും പുതിയ കുടിയേറ്റ കേന്ദ്രങ്ങള്‍ സ്ഥാപിച്ചും ഇസ്‌റാഈല്‍ അധിനിവിഷ്ട വെസ്റ്റ്ബാങ്കിലെ ജനജീവിതം കൂടുതല്‍ നരകതുല്യമാക്കിക്കൊണ്ടിരിക്കുകയാണ്.

Hamas launched a series of counterattacks across Gaza, inflicting heavy damage and injuring several Israeli soldiers. At least five were seriously injured in separate confrontations. Meanwhile, Israeli airstrikes killed 110 Palestinians on Saturday, including women and children.