തിരുവനന്തപുരം: തിരുവനന്തപുരം വക്കം ഗ്രാമപഞ്ചായത്ത്  വാർഡ് മെമ്പറും മാതാവും വീട്ടിൽ ആത്മഹത്യ ചെയ്ത നിലയിൽ. വക്കം നെടിയവിള വത്സല (71) അരുൺ (42) എന്നിവരാണ് മരിച്ചത്. വീടിനു ഉള്ളിൽ തൂങ്ങിമരിച്ച നിലയിലാണ് ഇരുവരെയും കണ്ടെത്തിയത്. വക്കം പഞ്ചായത്ത് ഒമ്പതാം വാർഡ് മെമ്പറായിരുന്നു അരുൺ. തനിക്കെതിരെ നൽകിയ കള്ളക്കേസിൽ മനം നൊന്താണ് ആത്മഹത്യ എന്നാണ് ആത്മഹത്യ കുറിപ്പിൽ പറയുന്നത്.

പ്രദേശവാസികളായ ബിജെപി പ്രവർത്തകർ വിനോദ്, സന്തോഷ്‌, അജയൻ, ബിനി സത്യൻ എന്നിവരാണ് മരണത്തിന് കാരണക്കാരെന്ന് കാണിച്ച് അരുൺ സുഹൃത്തുക്കൾക്ക് വാട്സ്ആപ്പിൽ സന്ദേശം അയച്ചിരുന്നു. പഞ്ചായത്ത് അംഗത്തിന്റെ ലെറ്റർ പാഡിലാണ് ആത്ഹത്യകുറിപ്പ് എഴുതുയി അയച്ചത്. തനിക്കെതിരായ ജാതി കേസും മോഷണകേസും വ്യാജമാണെന്നും കുറിപ്പിൽ പറയുന്നു. മോഷണക്കേസ് നൽകിയ സജി മണിലാൽ എന്നയാളുടെ പേരും കുറിപ്പിൽ ഉണ്ട്.

ALSO READ: ബ്രിജ് മണ്ഡൽ യാത്രയിൽ കർശന നിയന്ത്രണവുമായി ഹരിയാന; ഇന്റർനെറ്റ് വിച്ഛേദിച്ചു, നിരീക്ഷിക്കാൻ ഡ്രോണുകൾ, മാംസ വിൽപ്പന നിരോധിച്ചു; 2023 ൽ നൂഹിൽ എന്താണ് നടന്നത്? | Brij Mandal Yatra

തനിക്കെതിരെ വ്യാജ ജാതി കേസും മോഷണ കേസും കാരണം ജീവിക്കാൻ കഴിയുന്നില്ലെന്നും പഞ്ചായത്ത് വൈസ് പ്രസിഡന്റ് ഉൾപ്പെടെയുള്ളവർക്ക് അയച്ച കുറിപ്പിൽ പറയുന്നു. കേസ് കാരണം പൊലിസ് ക്ലിയറൻസ് സർട്ടിഫിക്കറ്റ് എടുക്കാനും പാസ്‌പോർട്ട് പുതുക്കാനും പോലും കഴിയാത്ത സ്ഥിതിയാണ്. മാനസിക വിഷമത്തെ തുടർന്നാണ് ജീവനൊടുക്കുന്നതെന്നും കുറിപ്പിലുണ്ട്. വക്കം പഞ്ചയത്തിലെ കോൺഗ്രസ് അംഗമായ അരുൺ, ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ കൂടിയായിരുന്നു.

Tragedy in Thiruvananthapuram’s Vakkom: A ward member and his mother were found dead by suicide at their residence in Nediyavila, Vakkom. The deceased have been identified as Valsala (71) and her son Arun (42). Both were found hanging inside their home.