കൊല്ലം: ഷാർജയിൽ മലയാളി യുവതി വിപഞ്ചിക ആത്മഹത്യ ചെയ്ത സംഭവത്തിൽ കേസെടുത്ത് കേരള പൊലിസ്. ഭർത്താവ് നിതീഷിന്റെ കുടുംബത്തിനെതിരെയാണ് പൊലിസ് കേസെടുത്തത്. ആത്മഹത്യാ പ്രേരണ കുറ്റം, സ്ത്രീധന നിരോധന നിയമം എന്നിവ പ്രകാരമാണ് കേസ്. വിപഞ്ചികയുടെ ഭർത്താവ് നിധീഷ്, നിധീഷിന്റെ പിതാവ്, സഹോദരി എന്നിവർക്കെതിരെയാണ് കുണ്ടറ പൊലിസ് കേസെടുത്തത്. മൂന്ന് പേരും നിലവിൽ ഷാർജയിലായതിനാൽ നാട്ടിലെത്തിയാലാണ് അറസ്റ്റ് ഉണ്ടാവുക.

വിപഞ്ചികയുടെ അമ്മ ശൈലജയുടെ പരാതിയിലാണ് പൊലിസ് നടപടി.  അമ്മയുടെ മൊഴി കഴിഞ്ഞ ദിവസം രേഖപ്പെടുത്തിയിരുന്നു. സ്ത്രീധനത്തിന്റെ പേരിൽ മാനസികമായി നിധീഷും കുടുംബവും വിപഞ്ചികയെ പീഡിപ്പിച്ചിരുന്നു. ഇതിനും വിവാഹത്തിന് സ്ത്രീധനം വാങ്ങിയതിനുമാണ് സ്ത്രീധന നിരോധന നിയമപ്രകാരം കേസെടുത്തത്. വിവാഹം കഴിഞ്ഞത് മുതൽ മകൾ പീഡനം അനുഭവിക്കുകയായിരുന്നുവെന്ന് ശൈലജ പൊലിസിനോട് പറഞ്ഞു. 

നിറത്തിന്റെ പേര് പറഞ്ഞ് വിപഞ്ചികയെ വിരൂപിയാക്കാൻ നിധീഷിന്റെ സഹോദരി ഇടപെട്ട് മുടി മൊട്ടയടിച്ചുവെന്നും പീഡനങ്ങൾക്കൊടുവിലാണ് മകൾ ആത്മഹത്യ ചെയ്തതെന്നും അമ്മ ശൈലജ പറഞ്ഞു. വിപഞ്ചിക നേരിട്ട പീഡനങ്ങളുടെ ഡിജിറ്റൽ തെളിവും ആത്മഹത്യാക്കുറിപ്പും ശൈലജ പൊലിസിന് കൈമാറിയിട്ടുണ്ട്.

ALSO READ: ബ്രിജ് മണ്ഡൽ യാത്രയിൽ കർശന നിയന്ത്രണവുമായി ഹരിയാന; ഇന്റർനെറ്റ് വിച്ഛേദിച്ചു, നിരീക്ഷിക്കാൻ ഡ്രോണുകൾ, മാംസ വിൽപ്പന നിരോധിച്ചു; 2023 ൽ നൂഹിൽ എന്താണ് നടന്നത്? | Brij Mandal Yatra

സംഭവത്തിൽ, ഇന്ത്യൻ കോൺസുലേറ്റിനും കേന്ദ്ര വിദേശകാര്യ മന്ത്രിക്കും കേരള മുഖ്യമന്ത്രിക്കും ശൈലജ പരാതി നൽകിയിരുന്നു. വിപഞ്ചികയുടെയും മകളുടെയും മൃതദേഹം നാട്ടിലെത്തിച്ചാൽ റീ പോസ്റ്റ്‌മോർട്ടം വേണമെന്നും ഇവർ ആവശ്യപ്പെട്ടിട്ടുണ്ട്. കേസ് സിബിഐക്ക് കൈമാറണമെന്നാണ് ശൈലജയുടെ ആവശ്യം. എന്നാൽ, കുട്ടിയുടെ മൃതദേഹം നാട്ടിലേക്ക് അയക്കില്ലെന്നാണ് നിധീഷിന്റെ നിലപാട്.

കഴിഞ്ഞ ചൊവ്വാഴ്ചയാണ് വിപഞ്ചിക ഒന്നരവയസുകാരി മകൾ വൈഭവിയെ കൊലപ്പെടുത്തി ആത്മഹത്യ ചെയ്തത്. അൽ നഹ്ദയിലെ താമസസ്ഥലത്താണ് ഇവരെ മരിച്ച നിലയിൽ കണ്ടെത്തിയത്. കൊല്ലം കൊറ്റംകര കേരളപുരം സ്വദേശിനിയായ രജിത ഭവനിൽ വിപഞ്ചിക ദുബൈയിലെ സ്വകാര്യ സ്ഥാപനത്തിൽ ജോലി ചെയ്തുവരികയായിരുന്നു. ദുബൈ തന്നെ ജോലി ചെയ്യുകയാണ് ഭർത്താവ് നിതീഷ്.

In connection with the suicide of Malayali woman Vipanchika in Sharjah, the Kerala Police have registered a case against her husband and his family. The case has been filed by the Kundara Police under charges of abetment of suicide and sections of the Dowry Prohibition Act.