തിരുവനന്തപുരം: ചികിത്സയ്ക്കായി അമേരിക്കയിലേക്ക് പോയ മുഖ്യമന്ത്രി പിണറായി വിജയൻ കേരളത്തിൽ തിരിച്ചെത്തി. പുലർച്ചെ മൂന്ന് മണിയോടെയാണ് അദ്ദേഹവും ഭാര്യ കമല വിജയനും തിരുവനന്തപുരം അന്താരാഷ്ട്ര വിമാനത്താവളത്തിലെത്തിയത്. ചീഫ് സെക്രട്ടറിയും ഡിജിപിയും ഉൾപ്പെടെയുള്ളവർ അദ്ദേഹത്തെ വിമാനത്താവളത്തിൽ സ്വീകരിച്ചു. ദുബൈ വഴിയാണ് മുഖ്യമന്ത്രി തിരിച്ചെത്തിയത്.

ജൂലൈ അഞ്ചിനാണ് മുഖ്യമന്ത്രി തുടർ ചികിത്സക്കായി യുഎസിലേക്ക് പോയത്. അമേരിക്കയിലെ പ്രസിദ്ധമായ ആശുപതിയായ മിനസോട്ടയിലെ മേയോ ക്ലിനിക്കിലായിരുന്നു അദ്ദേഹത്തിന്റെ ചികിത്സ. ഇത് നാലാം തവണയാണ് പിണറായി വിജയൻ ചികിത്സയ്ക്കായി അമേരിക്കയിലേക്കു പോയത്. 

ALSO READ: തരൂരിനെ കരുതലോടെ നിരീക്ഷിച്ച് ഹൈക്കമാൻഡ്; സംസ്ഥാന കോൺഗ്രസിൽ കടുത്ത അമർഷം

ചികിത്സയിലായിരുനെങ്കിലും മുഖ്യമന്ത്രിയുടെ പകരം ചുമതല അദ്ദേഹം ആർക്കും കൈമാറിയിരുന്നില്ല. ഫയലുകൾ ഇ–ഓഫിസ് വഴി മുഖ്യമന്തി തന്നെ കൈകാര്യം ചെയ്തു. തിരിച്ചെത്തിയതിന് പിന്നാലെ മന്ത്രിസഭായോഗം 17ന് ചേർന്നേക്കും. യോഗത്തിന് ശേഷം അന്നേദിവസം പാർട്ടി നേതൃയോഗത്തിനായി മുഖ്യമന്ത്രി ഡൽഹിയിലേക്കു പോകും.

Kerala Chief Minister Pinarayi Vijayan has returned to the state after undergoing medical treatment in the United States. He, along with his wife Kamala Vijayan, arrived at the Thiruvananthapuram International Airport around 3 AM today. The Chief Minister returned via Dubai, and was received at the airport by top officials including the Chief Secretary and State Police Chief (DGP).