കുവൈത്ത് സിറ്റി: കുവൈത്തിൽ പ്രവാസികളുടെ അക്കാദമിക് സർട്ടിഫിക്കറ്റ് വെരിഫിക്കേഷൻ സേവനം ഇന്ന് മുതൽ ക്വാഡ്രാബേ വെരിഫിക്കേഷൻ സർവീസസുമായി സഹകരിച്ച്. ഇത് പ്രകാരം വിദേശ രാജ്യങ്ങളിൽ നിന്ന് അനുഭവിക്കുന്ന എല്ലാ വിധ അക്കാദമിക് സർട്ടിഫിക്കറ്റുകളുടെ  ആധികാരികതയും കൃത്യതയും ഉറപ്പാക്കുന്നതിനുമുള്ള പരിശോധനകൾ ഈ ഏജൻസി വഴി ആയിരിക്കും നടത്തുകയെന്നു കുവൈത്ത് ഉന്നത വിദ്യാഭ്യാസ മന്ത്രാലയം അറിയിച്ചു.

സർട്ടിഫിക്കറ്റുകളുടെ ആധികാരിത  ഉറപ്പാക്കുന്നതിനും തുല്യതാ പ്രക്രിയ വേഗത്തിലാക്കുന്നതിനുമാണ് ഈ നടപടി ലക്ഷ്യമിടുന്നതെന്ന് മന്ത്രാലയം പ്രസ്താവനയിൽ വിശദീകരിച്ചു. അക്കാദമിക് യോഗ്യതകൾ  അറ്റസ്റ്റ് ചെയ്യാൻ ആഗ്രഹിക്കുന്ന എല്ലാ പ്രവാസികളും മന്ത്രാലയത്തിന്റെ ഔദ്യോഗിക ഇലക്ട്രോണിക് പോർട്ടൽ വഴിയാണ് അപ്ലൈ ചെയ്യേണ്ടത്.  

അംഗീകൃത കമ്പനിയുടെ മുൻകൂർ പരിശോധന കൂടാതെ തുല്യതാ സർട്ടിഫിക്കേഷനുള്ള അപേക്ഷ സ്വീകരിക്കില്ലെന്ന് എക്സ് പ്ലാറ്റ്‌ഫോമിലെ ഔദ്യോഗിക അക്കൗണ്ടിൽ പോസ്റ്റ് ചെയ്ത പ്രസ്താവനയിൽ മന്ത്രാലയം പറഞ്ഞു. പരിശോധിച്ച രേഖകൾ മന്ത്രാലയത്തിന്റെ തുല്യതാ ചട്ടങ്ങളും പാലിക്കണം. വിദേശ അക്കാദമിക് ബിരുദങ്ങൾക്ക് അംഗീകാരം തേടുന്ന എല്ലാ താമസക്കാരും അവരുടെ ഔദ്യോഗിക ഇലക്ട്രോണിക് പോർട്ടൽ വഴി അപേക്ഷകൾ സമർപ്പിക്കണമെന്ന് മന്ത്രാലയം അഭ്യർത്ഥിച്ചു.

കുവൈറ്റിൽ അക്കാദമിക് സമഗ്രത ശക്തിപ്പെടുത്തുന്നതിനും അന്താരാഷ്ട്ര വിദ്യാഭ്യാസ യോഗ്യതകൾ വിലയിരുത്തുന്നതിന്റെ കാര്യക്ഷമതയും സുതാര്യതയും മെച്ചപ്പെടുത്തുന്നതിനും ഈ പുതിയ നടപടി ലക്ഷ്യമിടുന്നു എന്നും പ്രസ്താവന കൂട്ടിച്ചേർത്തു. വിദ്യാഭ്യാസ മന്ത്രാലയത്തിന്റെ തുല്യതാ ചട്ടങ്ങളുടെ വ്യവസ്ഥകൾ പാലിച്ചു  അംഗീകൃത കമ്പനി സർട്ടിഫിക്കറ്റുകളുടെ സാധുത പരിശോധിച്ചു ഉറപ്പാക്കുമെന്നും മന്ത്രാലയം അറിയിച്ചു.

ALSO READ: പ്ലസ്ടു ഉണ്ടോ? എമിറേറ്റ്‌സ് എയര്‍ലൈന്‍ ക്യാബിന്‍ക്രൂ ആകാം, 2.38 ലക്ഷം രൂപ ശമ്പളവും മറ്റ് ആനുകൂല്യങ്ങളും: Full Detais

The Ministry of Higher Education has announced the launch of a new academic credential verification service in partnership with Quadrabay Verification Services, effective today, as part of efforts to streamline the equivalency process and ensure the authenticity of qualifications issued abroad.