മനാമ: ബഹ്‌റൈനില്‍ നിന്ന് നാട്ടിലേക്കുള്ള യാത്രക്കിടെ മലപ്പുറം സ്വദേശി വിമാനത്തില്‍ കുഴഞ്ഞുവീണ് മരിച്ചു. മലപ്പുറം പുത്തനത്താണി പുന്നത്തല സ്വദേശി മുഹമ്മദ് അഫ്‌സല്‍ (27) ആണ് മരിച്ചത്. ചൊവ്വാഴ്ച ഉച്ചയോടെ കോഴിക്കോട്ടേക്കുള്ള വിമാനത്തില്‍ വെച്ച് അഫ്‌സലിന് ദേഹാസ്വാസ്ഥ്യം അനുഭവപ്പെടുകയും കുഴഞ്ഞു വീഴുകയുമായിരുന്നുവെന്ന് ബന്ധുക്കള്‍ അറിയിച്ചു.

വിമാനം കരിപ്പൂര്‍ വിമാനത്താവളത്തിലിറക്കിയ ശേഷം കൊണ്ടോട്ടിയിലെ സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

രണ്ട് മാസം മുമ്പാണ് അഫ്‌സല്‍ ബഹ്‌റൈനിലെത്തിയത്. നേരത്തെ അഫ്‌സലിന് പനി ബാധിച്ചപ്പോള്‍ സ്വകാര്യ ക്ലിനിക്കില്‍ പരിശോധന നടത്തിയെങ്കിലും ഭേദമായില്ല. ഇതോടെയാണ് നാട്ടിലെത്തി വിദഗ്ധ ചികിത്സ തേടാന്‍ തീരുമാനിച്ചത്.

ബഹ്‌റൈനില്‍ കോള്‍ഡ് സ്റ്റോറിലെ ജീവനക്കാരനായി ജോലിചെയ്തുവരികയായിരുന്നു അഫ്‌സല്‍. പിതാവ്: മുഹമ്മദ്. മാതാവ്: ആമിന. സഹോദരിമാര്‍: ഹാജറ, തസ്‌നീമ, ഉമ്മുകുല്‍സു.

ALSO READ: സഊദിയിലെ അപ്പാര്‍ട്ട്‌മെന്റ് കേന്ദ്രീകരിച്ച് അനാശാസ്യ പ്രവര്‍ത്തനം; 12 പ്രവാസികള്‍ അറസ്റ്റില്‍

Malappuram native died after collapsing on a plane while traveling home from Bahrain.