ഷാർജയിൽ ആത്മഹത്യ ചെയ്ത മലയാളി യുവതി വിപഞ്ചികയുടെ മകൾ വൈഭവിയുടെ സംസ്കാരം ഇന്ന് നടക്കും. യുഎഇ സമയം വൈകിട്ട് നാല് മണിക്ക് ദുബൈ ന്യൂ സോനാപൂരിലാണ് ചടങ്ങുകൾ നടക്കുക. വിപഞ്ചികയുടെ കുടുംബാംഗങ്ങൾ സംസ്കാര ചടങ്ങിൽ പങ്കെടുക്കും. തുടർന്ന് വിപഞ്ചികയുടെ മൃതദേഹം നാട്ടിലേക്ക് കൊണ്ടുപോകാനാണ് പദ്ധതി. കഴിഞ്ഞ ദിവസം ഇന്ത്യൻ കോൺസുലേറ്റിൽ നടന്ന ചർച്ചയിലായിരുന്നു വിപഞ്ചികയുടെ മൃതദേഹം നാട്ടിലെത്തിക്കാനും, മകൾ വൈഭവിയുടെ മൃതദേഹം യുഎഇയിൽ സംസ്കരിക്കാനും തീരുമാനമായത്. മൃതദേഹം രാജ്യത്തെത്തിക്കുന്നതിനുള്ള നടപടികൾ വേഗത്തിലാക്കാൻ എംബസിക്ക് കോടതി നിർദേശം നൽകിയിട്ടുണ്ട്.

ALSO READ: അസമില്‍ കുടിയൊഴിപ്പിക്കലിനിടെ പ്രതിഷേധിച്ച ജനക്കൂട്ടത്തിന് നേരെ വെടിയുതിര്‍ത്ത് പൊലിസ്; രണ്ട് മുസ്‌ലിം യുവാക്കള്‍ കൊല്ലപ്പെട്ടു, നിരവധി പേര്‍ക്ക് പരുക്ക്

കഴിഞ്ഞ ചൊവ്വാഴ്ചയാണ് വിപഞ്ചിക ഒന്നരവയസുകാരി മകൾ വൈഭവിയെ കൊലപ്പെടുത്തി ആത്മഹത്യ ചെയ്തത്. അൽ നഹ്ദയിലെ താമസസ്ഥലത്താണ് ഇവരെ മരിച്ച നിലയിൽ കണ്ടെത്തിയത്. കൊല്ലം കൊറ്റംകര കേരളപുരം സ്വദേശിനിയായ രജിത ഭവനിൽ വിപഞ്ചിക ദുബൈയിലെ സ്വകാര്യ സ്ഥാപനത്തിൽ ജോലി ചെയ്തുവരികയായിരുന്നു. ദുബൈ തന്നെ ജോലി ചെയ്യുകയാണ് ഭർത്താവ് നിതീഷ്.

The funeral of Vaibhavi, daughter of Vipanchika, a Malayali woman who died by suicide in Sharjah, will be held today at 4 PM UAE time in Dubai’s New Sonapur. Vipanchika’s family will attend the ceremony, after which her body will be repatriated to India. The decision to bury Vaibhavi in the UAE and repatriate Vipanchika’s body was made during discussions at the Indian Consulate. The court has directed the embassy to expedite the repatriation process.