ചെന്നൈ: ദക്ഷിണ റെയില്‍വേയില്‍ ഇനി എട്ടോളം വന്ദേഭാരത് തീവണ്ടികളില്‍ തത്സമയ ബുക്കിങ്ങ് ആരംഭിച്ചു. ആലപ്പുഴ വഴി ബംഗഌരു- തിരുവനന്തപുരം- മംഗളൂരു (20631/ 20632) ട്രെയിനില്‍ ഉള്‍പ്പെടെയാണ് ഈ സൗകര്യമേര്‍പ്പെടുത്തിയിരിക്കുന്നത്. ഇനിമുതല്‍ വന്ദേഭാരത് കടന്നു പോകുന്ന സ്‌റ്റേഷനുകളിലെ റിസര്‍വേഷന്‍ കൗണ്ടറുകളില്‍ നിന്നോ ഓണ്‍ലൈ വഴിയോ 15 മിനിറ്റ് മുമ്പുവരെ ടിക്കറ്റ് ബുക്ക് ചെയ്യാവുന്നതാണ്.

കോട്ടയം വഴിയുള്ള വന്ദേഭാരതില്‍ ഒരാഴ്ചയ്ക്കുള്ളില്‍ തത്സമയ റിസര്‍വേഷന്‍ ആരംഭിക്കുമെന്ന് റെയില്‍വേ  കൊമേഴ്‌സ്യല്‍ വിഭാഗം അറിയിച്ചു. റിസര്‍വേഷന്‍ സംവിധാനത്തില്‍ മാറ്റം വരുത്തുന്നതിനു കൂടുതല്‍ സമയം വേണ്ടിവരുന്നതു കൊണ്ടാണ് ദക്ഷിണ റെയില്‍വേയിലെ എല്ലാ ട്രെയിനുകളും ഒരേദിവസം തന്നെ തത്സമയ റിസര്‍വേഷന്‍ ആരംഭിക്കാന്‍ കഴിയാതിരുന്നതെന്ന് അധികൃതര്‍ അറിയിച്ചു.