ഷാർജയിലെ ഫ്ലാറ്റിൽ തൂങ്ങിമരിച്ച നിലയിൽ കണ്ടെത്തിയ കൊല്ലം ചവറ സ്വദേശിനി അതുല്യയുടെ ഭർത്താവിനെതിരെ ഗുരുതര ആരോപണങ്ങളുമായി കുടുംബം. ഭർത്താവിന്റെ പീഡനമാണ് അതുല്യയുടെ മരണത്തിന് കാരണമെന്ന് കുടുംബം പറയുന്നത്. ഇതിന് തെളിവായി മരിക്കുന്നതിന് മുമ്പ് അതുല്യ ഭർത്താവിന്റെ പീഡനത്തിന്റെ ഫോട്ടോകളും വീഡിയോകളും അയച്ചിരുന്നതായി കുടുംബം വെളിപ്പെടുത്തി. സംഭവത്തിൽ, അതുല്യയുടെ കുടുംബം സതീഷിനെതിരെ ചവറ തെക്കുംഭാഗം പൊലിസ് സ്റ്റേഷനിൽ പരാതി നൽകി.

വെള്ളിയാഴ്ചയാണ് കൊല്ലം ചവറ തെക്കുംഭാഗം കോയിവിളയിൽ അതുല്യ ഭവനിലെ അതുല്യ സതീഷിനെ (30) ഷാർജയിലെ ഫ്ലാറ്റിൽ തൂങ്ങി മരിച്ച നിലയിൽ കണ്ടെത്തിയത്. 

ALSO READ: ഷാർജയിലെ ഫ്ലാറ്റിൽ മലയാളി യുവതിയെ തൂങ്ങിമരിച്ച നിലയിൽ കണ്ടെത്തി; കാരണം ഭർത്താവുമായി വഴക്കിട്ടതോ?

ദുബൈയിലെ ഒരു കെട്ടിടനിർമാണ കമ്പനിയിൽ എൻജിനീയറാണ് അതുല്യയുടെ ഭർത്താവ് സതീഷ്. ഈ സംഭവത്തിന് മുൻപ്, അതുല്യയും ഭർത്താവ് സതീഷും തമ്മിൽ വഴക്കുണ്ടായതായി ബന്ധുക്കൾ വെളിപ്പെടുത്തി. വഴക്കിനെ തുടർന്ന് സതീഷ് സുഹൃത്തുക്കൾക്കൊപ്പം അജ്മാനിലേക്ക് പോയി. പുലർച്ചെ നാല് മണിയോടെ തിരികെ എത്തിയപ്പോഴാണ് അതുല്യയെ തൂങ്ങിമരിച്ച നിലയിൽ കണ്ടത്. സതീഷ് സ്ഥിരമായി മദ്യപിക്കുന്നയാളാണെന്നും അതുല്യയെ ശാരീരികമായി ഉപദ്രവിച്ചിരുന്നതായും ബന്ധുക്കൾ പറയുന്നു. ഇതുസംബന്ധിച്ച് ഷാർജ പൊലിസിൽ മുമ്പ് പരാതി നൽകിയിരുന്നതായും വിവരമുണ്ട്. അതുല്യയുടെ ഏക സഹോദരി അഖില ഗോകുൽ ഷാർജയിൽ ഇവരുടെ ഫ്ലാറ്റിന് സമീപം താമസിക്കുന്നുണ്ട്. ഭർത്താവിന്റെ ഉപദ്രവങ്ങളെക്കുറിച്ച് അതുല്യ അഖിലയോട് സംസാരിച്ചിരുന്നതായി അറിയുന്നു.

ALSO READ: മുഖ്യമന്ത്രി നാളെ ഗവർണറെ കാണും; കൂടിക്കാഴ്ച വൈകിട്ട് 3:30ന് രാജ്ഭവനിൽ

വർഷങ്ങളായി യുഎഇയിൽ താമസിക്കുന്ന സതീഷ്, ഒന്നര വർഷം മുമ്പാണ് അതുല്യയെ യുഎഇയിലേക്ക് കൊണ്ടുവന്നത്. നേരത്തെ ഇവർ ദുബൈയിൽ താമസിച്ചിരുന്നു. ദമ്പതികളുടെ ഏകമകൾ ആരാധിക (10) അതുല്യയുടെ മാതാപിതാക്കളായ രാജശേഖരൻ പിള്ളയ്ക്കും തുളസീഭായിക്കുമൊപ്പം നാട്ടിൽ സ്കൂളിൽ പഠിക്കുകയാണ്. 

അതുല്യയുടെ മൃതദേഹം ഷാർജ ഫോറൻസിക് വിഭാഗത്തിൽ സൂക്ഷിച്ചിരിക്കുകയാണ്, നടപടികൾ പൂർത്തിയാക്കിയ ശേഷം നാട്ടിലേക്ക് കൊണ്ടുപോകും.

The family of Athulya, a Kollam Chavara native found dead by hanging in her Sharjah apartment, has accused her husband, Satheesh, of causing her death through severe abuse. They revealed that Athulya sent photos and videos documenting the abuse before her death. The family has lodged a complaint against Satheesh at the Chavara Thekkumbhagam Police Station.