ഷാർജ: ഷാർജയിലെ ഫ്ലാറ്റിൽ മലയാളി യുവതിയെ തൂങ്ങിമരിച്ച നിലയിൽ കണ്ടെത്തി. കൊല്ലം ചവറ തെക്കുംഭാഗം കോയിവിളയിൽ അതുല്യ ഭവനിലെ അതുല്യ സതീഷ് (30) ആണ് മരിച്ച നിലയിൽ കണ്ടെത്തിയത്. വെള്ളിയാഴ്ച രാത്രിയായിരുന്നു സംഭവം.

ദുബൈയിലെ ഒരു കെട്ടിടനിർമാണ കമ്പനിയിൽ എൻജിനീയറാണ് അതുല്യയുടെ ഭർത്താവ് സതീഷ്. ഈ സംഭവത്തിന് മുൻപ്, അതുല്യയും ഭർത്താവ് സതീഷും തമ്മിൽ വഴക്കുണ്ടായതായി ബന്ധുക്കൾ വെളിപ്പെടുത്തി. വഴക്കിനെ തുടർന്ന് സതീഷ് സുഹൃത്തുക്കൾക്കൊപ്പം അജ്മാനിലേക്ക് പോയി. പുലർച്ചെ നാല് മണിയോടെ തിരികെ എത്തിയപ്പോഴാണ് അതുല്യയെ തൂങ്ങിമരിച്ച നിലയിൽ കണ്ടത്. സതീഷ് സ്ഥിരമായി മദ്യപിക്കുന്നയാളാണെന്നും അതുല്യയെ ശാരീരികമായി ഉപദ്രവിച്ചിരുന്നതായും ബന്ധുക്കൾ പറയുന്നു. ഇതുസംബന്ധിച്ച് ഷാർജ പൊലിസിൽ മുമ്പ് പരാതി നൽകിയിരുന്നതായും വിവരമുണ്ട്. അതുല്യയുടെ ഏക സഹോദരി അഖില ഗോകുൽ ഷാർജയിൽ ഇവരുടെ ഫ്ലാറ്റിന് സമീപം താമസിക്കുന്നുണ്ട്. ഭർത്താവിന്റെ ഉപദ്രവങ്ങളെക്കുറിച്ച് അതുല്യ അഖിലയോട് സംസാരിച്ചിരുന്നതായി അറിയുന്നു.

ALSO READ: മിർദിഫ് സിറ്റി സെന്ററിന് സമീപം കാറിന് തീപിടിച്ചു; അബൂദബി-ഷാർജ റൂട്ടിൽ ഗതാഗതക്കുരുക്ക് രൂക്ഷം മിർദിഫ് സിറ്റി സെന്ററിന് സമീപം കാറിന് തീപിടിച്ചു; അബൂദബി-ഷാർജ റൂട്ടിൽ ഗതാഗതക്കുരുക്ക് രൂക്ഷം 

വർഷങ്ങളായി യുഎഇയിൽ താമസിക്കുന്ന സതീഷ്, ഒന്നര വർഷം മുമ്പാണ് അതുല്യയെ യുഎഇയിലേക്ക് കൊണ്ടുവന്നത്. നേരത്തെ ഇവർ ദുബൈയിൽ താമസിച്ചിരുന്നു. ദമ്പതികളുടെ ഏകമകൾ ആരാധിക (10) അതുല്യയുടെ മാതാപിതാക്കളായ രാജശേഖരൻ പിള്ളയ്ക്കും തുളസീഭായിക്കുമൊപ്പം നാട്ടിൽ സ്കൂളിൽ പഠിക്കുകയാണ്. 

അതുല്യയുടെ മൃതദേഹം ഷാർജ ഫോറൻസിക് വിഭാഗത്തിൽ സൂക്ഷിച്ചിരിക്കുകയാണ്, നടപടികൾ പൂർത്തിയാക്കിയ ശേഷം നാട്ടിലേക്ക് കൊണ്ടുപോകും.

A Malayali woman, Athulya Satheesh (30), from Koyivila, Thekkumbhagam, Chavara, Kollam, was found dead in her apartment in Sharjah’s Rolla area on Friday night, having reportedly taken her own life by hanging.