റോൾസ് റോയിസ് കാറുകൾ എല്ലാവർക്കും പരിചിതമാണ്. വാഹനത്തിന്റെ ആഡംബരവും വിലയും കാരണമാണ് റോൾസ് റോയ്സ്  കാറുകൾ ഇത്രക്കും അറിയപ്പെടാൻ കാരണം. റോൾസ് റോയിസിന്റെ എല്ലാ മോഡലുകൾക്കും കോടികളാണ് വില. എന്നാൽ ഒരു റോൾസ് റോയിസ് അപകടമാണ് ഇപ്പോൾ സോഷ്യൽ മീഡിയയിലെ ചർച്ചാ വിഷയം. റോൾസ് റോയിസിന്റെ ഏറ്റവും പുതിയ മോഡലായ റോൾസ് റോയിസ് സ്‌പെക്ട്രേം ആണ് അപകടത്തിൽ പെട്ടിട്ടുള്ളത്. ഈ അടുത്ത് ഇറങ്ങിയ റോൾസ് റോയിസ് സ്‌പെക്ട്രേം ഒരു ഇലക്ട്രിക് കാറുകൂടിയാണ്. മാത്രമല്ല റോൾസ് റോയിസ് ലൈനപ്പിലെ ആദ്യതെയും ഒരേയൊരു ഇലക്ട്രിക് മോഡേലും കൂടിയന്ന് റോൾസ് റോയിസ് സ്‌പെക്ട്രേം.

ഈ അപകടം നടന്നിട്ടുള്ളത് ഇന്ത്യയിൽ അല്ല. ഇന്ത്യയുടെ അയൽ രാജ്യമായ ബംഗ്ലാദേശിലാണ് ഈ എക്സ്പെൻസിവ് ആയ അപകടം നടന്നത്. ഇന്നലെ വൈകുന്നേരം  4:00 മണിയോട് അടുത്ത സമയത്താണ് അപകടം നടന്നത്. മാസ്കോ ഗ്രൂപ്പിന്റെ ഡയറക്ടർ ആയ ആരിഫ്‌ ബില്ല ആയിരുന്നു വാഹനം ഓടിച്ചിരുന്നത് എന്നാണ് റിപ്പോർട്ടുകൾ. അദ്ദേഹത്തെ കൂടാതെ അദ്ദേഹത്തിന്റെ സഹോദരനും രണ്ട് സുഹൃത്തുക്കളും കൂടി കാറിൽ ഉണ്ടായിരുന്നു എന്നാണ് പൊലിസ് അറിയിച്ചത്. ആരിഫ്‌ ബില്ലക്ക് ഗുരുതര പരുക്കുകൾ ഉണ്ട് എന്നാണ് വിവരം.

ALSO READ: ഇനി ലുക്കിനൊപ്പം ആഡംബരവും; വെലാർ ഓട്ടോബയോഗ്രഫി ഇന്ത്യയിൽ അവതരിപ്പിച്ച് റേഞ്ച് റോവർ

എന്തായാലും റോൾസ് റോയിസിന്റെ മുൻ ഭാഗം പൂർണമായി തകർന്നിട്ടുണ്ട്. ഏകദേശം 7.5 കോടി രൂപയാണ് ഇന്ത്യയിൽ റോൾസ് റോയിസ് സ്‌പെക്ട്രതിന്റെ എക്സ് ഷോറൂം വില. വാഹനം വാങ്ങുന്ന ആളുടെ താല്പര്യത്തിനനുസരിച്ചു മാറ്റം വരുത്തിയാൽ വില വീണ്ടും കൂടും. അപകടത്തിൽ പെട്ട മോഡൽ കസ്റ്റംമെയ്സേഷൻ വരുതിയതാണോ  എന്ന് വ്യക്തമല്ല. എന്തായാലും വണ്ടിപ്രേമികളെ സങ്കടത്തിൽ ആകുന്ന ഒരു വാർത്ത തന്നെ ആണിത്. സോഷ്യൽ മീഡിയയിൽ ആയിരക്കണക്കിനാളുകളാണ് ഈ അപകട വീഡിയോ ഇതിനോടകം കണ്ടത്. ബംഗ്ലാദേശിലെ ഏറ്റവും എക്സ്പെൻസിവ് കാറപകടം എന്നാണ് ഒരാൾ വീഡിയോക്ക് താഴെ കമന്റ്‌ ചെയ്തത്. അപകടത്തെ പറ്റി നിങ്ങളുടെ അഭിപ്രായം എന്താണ്. കമന്റ്‌ ചെയ്യൂ.

തയാറാക്കിയത്: സാലിഹ് എംപി