പല സെലിബ്രിറ്റികളുടെയും ഗാരേജിൽ ഒഴിച്ചു കൂടാനാകാത്ത ഒരു വാഹന ബ്രാന്റാണ് റേഞ്ച് റോവർ എന്നുള്ളത്. യാത്ര ചെയ്യാനുള്ള സുഖവും റോഡിലെ ഭീമകരമായ ലുക്കും ഈ വാഹനത്തെ വേറിട്ടു നിർത്തുന്ന ഘടകങ്ങളാണ്. റേഞ്ച് റോവറിന്റെ പ്രധാന മോഡലായ റേഞ്ച് റോവർ വേലാറിന്റെ  ഓട്ടോ ബയോഗ്രാഫി മോഡൽ ഇന്ത്യയിൽ അവതരിപ്പിച്ചിരിക്കുകയാണ് കമ്പനി ഇപ്പോൾ. ഉരുണ്ട് കൊഴുത്ത  ബോഡി ടൈപ്പുള്ള ഈ മോഡൽ റേഞ്ച് റോവർ ലൈനെപ്പിലെ പ്രധാന മോഡലും കൂടി ആണ്. 

 

 

എന്താണ് ഓട്ടോ ബയോഗ്രഫി

 റേഞ്ച് റോവർ മോഡലുകളുടെ ഉയർന്ന വേരിയെന്റുകളുടെ മോഡൽ നെയിം ആണ്  ഓട്ടോബയോഗ്രഫി. സാധാരണ മോഡലുകളിൽ നിന്നും വ്യത്യസ്തമായി ഈ മോഡലുകളിൽ ധാരാളം പ്രീമിയം  ഫീച്ചറുകൾ കമ്പനി നൽകാറുണ്ട്. അതു കൊണ്ട് തന്നെ സാധാരണ റേഞ്ച് റോവർ മോഡലുകളിൽ നിന്ന് ഈ മോഡലുകൾക്ക് വിലയും അൽപ്പം കൂടുതലായിരിക്കും.

ഓട്ടോ ബയോഗ്രഫി വേലാറിൽ ധാരാളം  പ്രീമിയം ഫീച്ചറുകൾ നമുക്ക് കാണാൻ കഴിയും. വാഹനതിന്റെ പുറത്ത്‌ നോക്കുക ആണങ്കിൽ ബംമ്പറിലടക്കം മുൻ ഭാഗത്തും ബാക്ക് സൈഡിലും കുറച്ചു ഇലമെന്റുകൾ കോപ്പർ ഫിനിഷിൽ നൽകീട്ടുണ്ട്.റീഡിസൈൻ ചെയ്‌ത 20 ഇഞ്ച്  അലോയ് വീൽ സാറ്റിൻ ഡാർക്ക്‌ ഗ്രേ പെയിന്റിലാണ് നൽകീട്ടുള്ളത്,പുതിയ ഡി ആർ എൽ  ഹെഡ് ലൈറ്റും വാഹനത്തിന് നൽകിയിട്ടുണ്ട്. അതിലുപരി ഓസ്റ്റുനി പേൾ വൈറ്റ്, വരേസിനെ ബ്ലൂ,അറോയോസ്  ഗ്രേ,ബാറ്റുമി ഗോൾഡ് തുടങ്ങിയ പുതിയ നാല് കളർ ഓപ്ഷനുകളിലും ഈ വാഹനം ലഭ്യമാണ്.

ALSO READ: ഇത് എങ്ങനെ സഹിക്കും: അപകടത്തിൽ പെട്ടത് റോൾസ് റോയിസ് സ്‌പെക്ട്രേം കാർ

 

 

  
ഇനി അകത്തെ പുതുമകൾ നോക്കുകയാണെങ്കിൽ ഒരു 11.4 ഇഞ്ച് ടച്ച്സ്ക്രീനും അത് കൂടാതെ 12.3 ഇഞ്ച് ഡ്രൈവേഴ്സ് ഡിസ്പ്ലയും ആണ് ഓട്ടോ ബയോഗ്രഫി മോഡലിന്റെ അകത്തളത്തെ കൂടുതൽ ടെക്കി ആകുന്നത്. കൂടാതെ 4 സോൺ  എസിയും എയർ പ്യുരിഫയറും പുതിയ 3ഡി സെറൗണ്ടിംഗ് സൗണ്ട് സിസ്റ്റത്തോടെ വരുന്ന മെറിഡിയന്റെ ഓഡിയോ സിസ്റ്റവും ഈ മോഡലിന്റെ പ്രേതേകതയാണ്. മാത്രമല്ല പൂർണമായ  പനോരമിക് സൺ റൂഫും 20 തരത്തിൽ ക്രമീകരിക്കാവുന്ന മസ്സാജ് ഫങ്ഷൻ ഫ്രണ്ട് സീറ്റും ഈ വാഹനത്തോടപ്പം ഓപ്ഷണലായി കമ്പനി നൽകുന്നുണ്ട്.

360 ഡിഗ്രി ക്യാമറയും ടച്ച്സ്ക്രീൻ വഴി നിയന്ത്രിക്കാവുന്ന ടറൈൻ റെസ്പോൺസ് ഡയനാമിക്‌ പോഗ്രാമ്മും  എ ബി എസ്, ഇ ബി ഡി , ഹിൽ കൺട്രോൾ , ഫ്രണ്ട് ആൻഡ് റിയർ പാർക്കിംഗ് സെൻസറുകളും വാഹനത്തിന് മികച്ച സുരക്ഷിതത്വം നൽകുന്നു. ഒരു 2.0 ലിറ്റർ  ഡീസൽ എൻജിൻ  ഹൈബ്രിഡ് ഓപ്ഷനോട് കൂടിയന്ന് ഈ വാഹനത്തിൽ വന്നിരിക്കുന്നത്. 48 വോൾട്ടിന്റെ മൈൽഡ് ഹൈബ്രിഡ് സിസ്റ്റം ആണ് വാഹനത്തിന് നൽകിയിരിക്കുന്നത്. ഇതു കൂടാതെ സാധാരണ  ഉണ്ടായിരുന്ന പെട്രോൾ എൻജിൻ ഓപ്ഷനും വാഹനത്തിന് ലഭ്യമാണ്. വെലാർ ഡെയ്നാമിക്‌ എച്ച് എസ് ഇ യുമായി വെലാർ  ഓട്ടോ ബയോഗ്രഫിക്ക് 5 ലക്ഷത്തിന്റെ വില വ്യത്യാസം ആണ് ഉള്ളത്. 89.90 ലക്ഷം രൂപയാണ് വെലാർ ഓട്ടോ ബയോഗ്രാഫിയുടെ എക്സ് ഷോറൂം വില. 

( തയാറാക്കിയത്: സാലിഹ് എം.പി )

The Range Rover Velar Autobiography has been launched in India, combining striking design with premium luxury. This top-tier variant offers enhanced features, sophisticated interiors, and advanced technology for an elevated driving experience