മക്ക: ഇൻഡ്യൻ ഓവർസീസ് കോൺഗ്രസ് മക്ക സെൻട്രൽ കമ്മിറ്റിയുടെ ആഭിമുഖ്യത്തിൽ 'ജനകീയ നേതാവിന്റെ ദീപ്തസ്മരണകളിൽ' എന്ന പേരിൽ കോൺഗ്രസ്‌ നേതാവും മുൻ കേരള മുഖ്യ മന്ത്രിയുമായിരുന്ന ഉമ്മൻ ചാണ്ടിയുടെ രണ്ടാം ചരമവാർഷികത്തിൽ അനുസ്മരണം സംഘടിപ്പിച്ചു.  ഐഒസി മക്കാ സെൻട്രൽ കമ്മിറ്റി പ്രസിഡന്റ്‌ ഷാജി ചുനക്കര അധ്യക്ഷത വഹിച്ചു.

മക്കയിലെ ഇൻഡ്യൻ നാഷണൽ കോൺഗ്രസ്സിന്റെ പ്രവാസി സംഘടനയുടെ സ്ഥാപക നേതാവും സീനിയർ ലീഡറുമായ ഹാരിസ് മണ്ണാർക്കാട് മുഖ്യ അനുസ്മരണ പ്രഭാഷണം നടത്തി. ഉമ്മൻ ചാണ്ടിയെന്ന മഹത് വ്യക്തിത്വത്തിന്റെ എളിമയാർന്ന പൊതുപ്രവർത്തന ശൈലിയും ജനോപകാരപ്രദമായ ഭരണ മികവും ആണ് ഓർമ്മയായി രണ്ട് വർഷങ്ങൾ പിന്നിട്ടിട്ടും ജനമനസ്സുകളിൽ അദ്ദേഹം ഇന്നും ജീവിച്ചിരിക്കുന്നതിന് പ്രധാന കാരണമെന്ന് അദ്ദേഹം അനുസ്മരിച്ചു.

ഐഒസിയുടെ പ്രധാന നേതാക്കളും മക്ക സെൻട്രൽ കമ്മിറ്റി ഭാരവാഹികളുമായ സാക്കിർ കൊടുവള്ളി, ഷംനാസ് മീരാൻ, അൻവർ ഇടപ്പള്ളി, നിസ്സാ നിസാം, ഷംല ഷംനാസ്, ഷീമാ നൗഫൽ, സമീന സാക്കിർ ഹുസൈൻ, സലീം മല്ലപ്പള്ളി തുടങ്ങിയവർ സംസാരിച്ചു. സെൻട്രൽ കമ്മിറ്റി ഭാരവാഹികളായ ഷംസുദ്ദീൻ വടക്കഞ്ചേരി, ഫിറോസ് എടക്കര, നൗഫൽ കരുനാഗപ്പിള്ളി, ഹബീബ് കോഴിക്കോട്, നഹാസ് കുന്നിക്കോട്, മുഹമ്മദ്‌ ഹസ്സൻ അബ്ബ, ജെസീന അൻവർ, ജെസ്സി ഫിറോസ്,  ജുമൈല ഹുസൈൻ തുടങ്ങിയവർ നേതൃത്വം നൽകി. യോഗത്തിന് നൗഷാദ് തൊടുപുഴ സ്വാഗതവും സർഫറാസ് തലശ്ശേരി നന്ദിയും പറഞ്ഞു.