കഴിഞ്ഞ സീസണിലെ രഞ്ജി ട്രോഫി ഫൈനൽ നഷ്ടമായതിനെക്കുറിച്ച് സംസാരിച്ചിരിക്കുകയാണ് മലയാളി സൂപ്പർതാരം സഞ്ജു സാംസൺ. രഞ്ജി ട്രോഫി കിരീടം നേടാൻ 15 കൊല്ലമായി താൻ ആഗ്രഹിക്കുന്നുണ്ടെന്നും സഞ്ജു പറഞ്ഞു. കേരള ക്രിക്കറ്റ് ലീഗ് രണ്ടാം സീസണിന്റെ ഗ്രാൻഡ് ലോഞ്ച് പരുപാടിയിലാണ് സഞ്ജു സാംസൺ ഇക്കാര്യത്തെക്കുറിച്ച് സംസാരിച്ചത്. 

''രഞ്ജി ട്രോഫി സെമി ഫൈനൽ മിസ് ചെയ്തപ്പോൾ വലിയൊരു സങ്കടം ഉണ്ടായിരുന്നു. ഓരോ മത്സരങ്ങൾ തോൽക്കുമ്പോഴും ഞങ്ങളുടെ ഉള്ളിൽ ഒരു ആഗ്രഹമുണ്ടായിരുന്നു ഈ ടീമുകളെയെല്ലാം തോൽപ്പിച്ചുകൊണ്ട് നമ്മൾ രഞ്ജി ട്രോഫി ചാമ്പ്യന്മാരാകണമെന്ന്. എന്റെ മനസിലും എന്റെ ഒപ്പമുള്ള താരങ്ങളുടെ മനസിലും കഴിഞ്ഞ 15 വർഷമായി ഈ ആഗ്രഹം ഉണ്ട്. റണ്ണേഴ്‌സ് അപ്പായിട്ടും ഞങ്ങൾ നന്നായി ആഘോഷിച്ചു . എന്നാൽ കിരീടത്തിനായി ഒരുപടി കൂടി ഇനിയും മുന്നിലുണ്ട്. നമുക്ക് രഞ്ജി ട്രോഫി ചാമ്പ്യൻസ് ആയിട്ട് തന്നെ ഇവിടെ നിന്നും ആഘോഷിക്കണം. അടുത്ത രഞ്ജി ട്രോഫി സെമി ഫൈനൽ ഞാൻ ഒരിക്കലും മിസ് ചെയ്യില്ല'' സഞ്ജു സാംസൺ പറഞ്ഞു. 

രഞ്ജി ട്രോഫി ഫൈനലിൽ വിദർഭയോട് പരാജയപ്പെട്ടതാണ് കേരളത്തിന് കിരീടം നഷ്ടമായത്. സെമിയിൽ ഗുജറാത്തിനെ കീഴടക്കിയാണ് കേരളം ഫൈനലിലേക്ക് മുന്നേറിയത്. ക്വാർട്ടർ ഫൈനലിൽ ജമ്മു കാശ്മീരിനെതിരെ സമനില നേടിയാണ് കേരളം സെമി ഫൈനലിലേക്ക് മുന്നേറിയത്. മത്സരത്തിൽ നേടിയ ഒരു റൺസിന്റെ ലീഡിന്റെ മുൻതൂക്കത്തിലായിരുന്നു കേരളം സെമിഫൈനൽ പോരാട്ടത്തിന് യോഗ്യത നേടിയിരുന്നത്. ക്വാർട്ടർ ഫൈനലിൽ ബീഹാറിനെ കീഴടക്കിയാണ് കേരളം ക്വാർട്ടർ ഫൈനൽ ഉറപ്പിച്ചത്.

ബീഹാറിനെ ഇന്നിങ്‌സിനും 168 റൺസിനും തകർത്താണ് കേരളം ക്വാർട്ടറിലേക്ക് മുന്നേറിയത്. നീണ്ട ആറ് വർഷങ്ങൾക്ക് ശേഷമാണ് കേരളം രഞ്ജിയുടെ ക്വാർട്ടർ ഫൈനൽ യോഗ്യത നേടിയിരുന്നത്. കർണാടക, ഹരിയാന, ബംഗാൾ, ഉത്തർപ്രദേശ്, മധ്യപ്രദേശ് തുടങ്ങി ആഭ്യന്തര ക്രിക്കറ്റിലെ വമ്പൻമാർ ഉൾപ്പെടുന്ന എലൈറ്റ് ഗ്രൂപ്പ് സിയിൽ നിന്നാണ് കേരളം ക്വാർട്ടറിൽ പ്രവേശിച്ചത്. 

കേരള ക്രിക്കറ്റ് ലീഗിന്റെ രണ്ടാം സീസണിൽ സഞ്ജു സാംസൺ കൊച്ചി ബ്ലൂ ടൈഗേഴ്‌സിനു വേണ്ടിയാണ് കളിക്കുക. താരലേലത്തിൽ സഞ്ജുവിനെ 26.80 ലക്ഷം രൂപയാണ് കൊച്ചി ബ്ലൂ ടൈഗേഴ്‌സ് സഞ്ജുവിനെ സ്വന്തമാക്കിയത്. ടൂർണമെന്റിന്റെ ചരിത്രത്തിൽ ഒരു താരത്തിന് ലഭിക്കുന്ന ഏറ്റവും ഉയർന്ന തുകയാണിത്. 

Malayali superstar Sanju Samson has spoken about missing out on the Ranji Trophy final last season Sanju also said that he has been wanting to win the Ranji Trophy title for 15 years