ദുബൈ: കുടിശ്ശികയുള്ള ഗതാഗത പിഴകള്‍ അടച്ചുതീര്‍ക്കാതെ ഇനി ദുബൈയില്‍ റെസിഡന്‍സി വിസ പുതുക്കാന്‍ കഴിയില്ലെന്ന് അധികൃതര്‍ അറിയിച്ചു. ദുബൈ ജനറല്‍ ഡയറക്ടറേറ്റ് ഓഫ് റെസിഡന്‍സി ആന്‍ഡ് ഫോറിനേഴ്‌സ് അഫയേഴ്‌സ് (GDRFA) ഡയറക്ടര്‍ ജനറല്‍ ലെഫ്റ്റനന്റ് ജനറല്‍ മുഹമ്മദ് അഹമ്മദ് അല്‍ മാരിയാണ് പത്രസമ്മേളനത്തില്‍ ഇക്കാര്യം വ്യക്തമാക്കിയത്.

ALSO READ: ഏറ്റവും പുതിയ പാസ്‌പോര്‍ട്ട് റാങ്കിങ് പട്ടിക പുറത്ത്; 8 സ്ഥാനങ്ങള്‍ മെച്ചപ്പെടുത്തി ഇന്ത്യ, യുഎഇ ആദ്യ പത്തില്‍, സഊദി നില മെച്ചപ്പെടുത്തി, കിരീടം നിലനിര്‍ത്തി സിംഗപ്പൂര്‍ | Full List

'നിയമങ്ങള്‍ മാനിക്കാനും കുടിശ്ശികയുള്ള പിഴകള്‍ക്ക് ഉത്തരവാദിത്തം ഏറ്റെടുക്കാനും താമസക്കാരോട് അഭ്യര്‍ത്ഥിക്കുന്നു. ദുബൈയില്‍ താമസിക്കാന്‍ ആഗ്രഹിക്കുന്നവര്‍ നിയമങ്ങള്‍ പാലിക്കണം,' അല്‍ മാരി പറഞ്ഞു. 'പിഴ വലിയ തുകയാണെങ്കില്‍, അത് ഗഡുക്കളായി അടയ്ക്കാന്‍ സൗകര്യമുണ്ട്. ഞങ്ങള്‍ ആരെയും ബുദ്ധിമുട്ടിക്കാന്‍ ഉദ്ദേശിക്കുന്നില്ല.'

ഈ നയം നടപ്പാക്കുന്നത് താമസക്കാര്‍ക്ക് ഭാരം ചുമത്താനല്ല, മറിച്ച് എല്ലാവരും നിയമം പാലിക്കുന്നുവെന്ന് ഉറപ്പാക്കാനാണെന്ന് GDRFA മേധാവി വ്യക്തമാക്കി. 'നല്ല ജീവിതം ആഗ്രഹിക്കുന്നവര്‍ രാജ്യത്തിന്റെ നിയമങ്ങള്‍ ബഹുമാനിക്കണം,' അദ്ദേഹം കൂട്ടിച്ചേര്‍ത്തു.

ALSO READ: ഷാർജയിൽ ജീവനൊടുക്കിയ വിപഞ്ചികയുടെ മൃതദേഹം ഇന്ന് നാട്ടിലെത്തിക്കും

പിഴ അടയ്ക്കാത്തത് ഭാവിയില്‍ പ്രശ്‌നങ്ങള്‍ സൃഷ്ടിച്ചേക്കാമെന്ന് അല്‍ മാരി മുന്നറിയിപ്പ് നല്‍കി. പ്രത്യേകിച്ച് രാജ്യം വിടാന്‍ ശ്രമിക്കുമ്പോള്‍ ഇത്തരത്തിലുള്ള പ്രശ്‌നങ്ങള്‍ നേരിട്ടേക്കാം. 'നാളെ, അഞ്ച് വര്‍ഷത്തിന് ശേഷം സ്വദേശത്തേക്ക് മടങ്ങാന്‍ ശ്രമിച്ചാല്‍, കുടിശ്ശികയുള്ള ഗതാഗത പിഴകള്‍ അടയ്ക്കാതെ അത്തരക്കാരെ മടങ്ങാന്‍ അനുവദിക്കില്ല,' അദ്ദേഹം വ്യക്തമാക്കി.

In a significant policy shift, Dubai has made it mandatory to clear all outstanding traffic fines before renewing residency visas. Residents with unpaid fines may be denied re-entry after travel.