മാഞ്ചസ്റ്റർ: ഇംഗ്ലണ്ടിനെതിരായ നാലാം ടെസ്റ്റിന്റെ ആദ്യ ദിനത്തിൽ ഇന്ത്യൻ വിക്കറ്റ് കീപ്പർ റിഷാബ് പന്തിന് പരുക്കേറ്റിരുന്നു. മാഞ്ചസ്റ്ററിൽ നടക്കുന്ന മത്സരത്തിൽ  48 പന്തിൽ 37 റൺസ് എടുത്തു നിൽക്കുമ്പോൾ ഇംഗ്ലീഷ് പേസർ ക്രിസ് വോക്സിൻ്റേ ഓവറിൽ റിവേഴ്സ് സ്വീപ്പിന് ശ്രമിച്ച ബോൾ കോണ്ട് പന്തിൻ്റേ വലതു കാലിന്  പരുക്ക് പറ്റിയാണ് പന്ത് റിട്ടേർട്ട് ഹർട്ടായത്.

ഇപ്പോൾ പന്തിന്റെ പരിക്കിനെ സംബന്ധിച്ചുള്ള ഏറ്റവും പുതിയ റിപ്പോർട്ടാണ് പുറത്തുവന്നിരിക്കുന്നത്. പന്തിന് ആറ് ആഴ്ച വിശ്രമം അനുവദിച്ചിട്ടുണ്ടെന്നാണ് ഇന്ത്യൻ എക്സ്പ്രസ് റിപ്പോർട്ട് ചെയ്യുന്നത്. പന്തിന് പകരക്കാരനായി രാജസ്ഥാൻ റോയൽസ് വിക്കറ്റ് കീപ്പർ ധ്രുവ് ടീമിലെത്തുമെന്നാണ് പ്രതീക്ഷിക്കുന്നത്. 

പരമ്പരയിൽ ഉടനീളം മികച്ച പ്രകടനമാണ് പന്ത് പുറത്തെടുത്തത്. ഇംഗ്ലണ്ടിനെതിരായ ആദ്യ ടെസ്റ്റിൽ തകർപ്പൻ പ്രകടനമാണ് പന്ത് പുറത്തെടുത്തത്. രണ്ട് ഇന്നിംഗ്സുകളിലും സെഞ്ച്വറി നേടിയാണ് പന്ത് തിളങ്ങിയത്. ആദ്യ ഇന്നിങ്സിൽ 178 പന്തിൽ 12 ഫോറുകളും ആറ് സിക്സുകളും അടക്കം 134 റൺസ് ആണ് പന്ത് നേടിയത്. രണ്ടാം ഇന്നിങ്സിൽ 140 പന്തിൽ 118 റൺസും താരം സ്വന്തമാക്കി. 15 ഫോറുകളും മൂന്ന് സിക്സുകളും അടങ്ങുന്നതായിരുന്നു പന്തിന്റെ പ്രകടനം. 

ആദ്യ മത്സരത്തിൽ നടത്തിയ തകർപ്പൻ പ്രകടനങ്ങൾക്ക് പിന്നാലെ ഐസിസി ടെസ്റ്റ് റാങ്കിങ്ങിലും മികച്ച മുന്നേറ്റവുമായി ഇന്ത്യൻ വിക്കറ്റ് കീപ്പർ റിഷബ് പന്ത്. റാങ്കിങ്ങിൽ ഏഴാം സ്ഥാനത്തേക്കാണ് പന്ത് കുതിച്ചുയർന്നത്. 800 പോയിന്റുമായാണ് പന്ത് പട്ടികയിൽ മികച്ച മുന്നേറ്റം നടത്തിയത്. ഇന്ത്യൻ ക്രിക്കറ്റിന്റെ ചരിത്രത്തിൽ ഇതാദ്യമായാണ് ഒരു വിക്കറ്റ് കീപ്പർ 800 പോയിന്റുകൾ കരസ്ഥമാക്കുന്നത്. 

അതേസമയം ലോർഡ്സിൽ നടന്ന മൂന്നാം ടെസ്റ്റിനുശേഷം, നാലാം ടെസ്റ്റിൽ ഇംഗ്ലണ്ട് ഒരു മാറ്റം വരുത്തി. പരിക്കേറ്റ ഷോയിബ് ബഷീറിന് പകരം ലിയാം ഡോസൺ ടീമിൽ എത്തിയപ്പോൾ, ഇന്ത്യ മൂന്ന് മാറ്റങ്ങളാടെയാണ് കളത്തിൽ ഇറങ്ങിയത്. കരുൺ നായരിന് പകരം സായ് സുദർശൻ, നിതീഷ് കുമാർ റെഡ്ഡിക്ക് പകരം ഷാർദ്ദുൽ താക്കൂർ, ആകാശ് ദീപിന് പകരം അൻഷുൽ കാംബോജ് എന്നിവരാണ് ഇന്ത്യയുടെ പ്ലേയിംഗ് ഇലവനിലെത്തിയത്.

Rishabh pant injury updates vs India vs England fourth test in Manchester old Trafod