കോട്ടയം: ഗൂഗിൾ മാപ്പ് നോക്കി യാത്ര ചെയ്ത് അപകടങ്ങൾ ഉണ്ടാകുന്നത് തുടർക്കഥയാവുകയാണ്. ഏറ്റവും ഒടുവിലായി ഗൂഗിൾ മാപ്പ് നോക്കി വാഹനമോടിച്ച ദമ്പതികളുടെ കാർ തോട്ടിൽ വീണതാണ് ഇത്തരത്തിൽ ഉണ്ടായ പുതിയ സംഭവം. കോട്ടയം കടുത്തുരുത്തി കുറുപ്പുന്തറ കടവിൽ ബുധനാഴ്ച പകൽ സമയത്താണ് അപകടം ഉണ്ടായത്. ചങ്ങനാശ്ശേരി ചെത്തിപ്പുഴ സ്വദേശികളായ ജോസി ജോസഫ്, ഭാര്യ ഷീബ ജോസ് എന്നിവർ സഞ്ചരിച്ചിരുന്ന കാറാണ് ഗൂഗിൾ മാപ്പിന്റെ കുഴിയിൽ വീണത്. 

ഗൂഗിൾ മാപ്പ് നോക്കി കുറുപ്പന്തറ ഭാഗത്ത് നിന്നും വന്നിരുന്ന വാഹനം അവിടെ ഉണ്ടായിരുന്ന വളവ് തിരിയുന്നതിന് പകരം നേരെ കടവിലേക്ക് ഇറക്കുകയായിരുന്നു. കാറിന്റെ മുൻഭാഗം വെള്ളമുള്ള തോട്ടിൽ വീണതിന് പിന്നാലെ ഉടൻ നിർത്തിയതിനാൽ വാഹനം ഒഴുക്കിൽപ്പെട്ടില്ല. നാട്ടുകാർ ഓടിയെത്തി കാറിൽ ഉണ്ടായിരുന്നവരെ സുരക്ഷിതമായി പുറത്തിറക്കുകയായിരുന്നു. 

ക്രയിൻ എത്തിച്ചാണ് അപകടത്തിൽപ്പെട്ട വാഹനം വെള്ളക്കെട്ടിൽ നിന്നും പുറത്തെത്തിച്ചത്. കടുത്തുരുത്തി കുറുപ്പുന്തറ ഭാഗത്ത് മുൻപും ഇത്തരത്തിൽ അപകടങ്ങൾ ഉണ്ടായിട്ടുണ്ട്.

Accidents caused by blindly relying on Google Maps are becoming an alarming trend. In the latest incident, a couple's car plunged into a canal while following directions from the app. The accident occurred Wednesday afternoon at Kuruppunthara Kadavu in Kaduthuruthy, Kottayam.