ഇടുക്കി: ഇടുക്കി പീരുമേട്ടിൽ വനത്തിന്റെ ഉള്ളിൽ സീത എന്ന ആദിവാസി സ്ത്രീ മരിച്ച സംഭവം കാട്ടാന ആക്രമണത്തിൽ തന്നെയാണെന്ന് ജില്ല പൊലിസ് മേധാവി ടികെ വിഷ്ണു പ്രദീപ് ഐപിഎസ്. സീതയുടെ പോസ്റ്റ് മോർട്ടത്തിന് പിന്നാലെയാണ് ഇത് കൊലപാതകം ആണെന്ന സംശയം പൊലിസിന് തോന്നിയത്. എന്നാൽ മൃതദേഹത്തിലുണ്ടായ പരുക്കുകളെക്കുറിച്ച് നടത്തിയ വിശദമായ പരിശോധനയുടെ അടിസ്ഥാനത്തിലാണ് സീത മരിച്ചത് കാട്ടാന ആക്രെമണം മൂലമാണെന്ന് സ്ഥിരീകരിച്ചത്. പൊലിസ് റിപ്പോർട്ട് അടുത്ത ആഴ്ച കോടതിയിൽ നൽകും. 

ജൂൺ 13നാണ് സീത (54) ആണ് കാട്ടാന ആക്രമണത്തിൽ മരണപ്പെട്ടത്. പീരുമേടിന് സമീപം വനത്തിൽ വെച്ചാണ് സീതയെ കാട്ടാന ആക്രമിച്ചത്. വന വിഭവങ്ങൾ ശേഖരിക്കാൻ പോയപ്പോഴായിരുന്നു കാട്ടാന ആക്രമണം നടന്നത്. ഗുരുതരമായി പരുക്കേറ്റ ഇവരെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.