തിരുവനന്തപുരം: സ്‌കൂള്‍ പഠന സമയമാറ്റം സംബന്ധിച്ച് സമസ്ത നേതാക്കളുമായി ഇന്ന് തിരുവനന്തപുരത്ത് വിദ്യാഭ്യാസമന്ത്രി വി.ശിവന്‍കുട്ടി നടത്തിയ ചര്‍ച്ചയില്‍ പ്രതീക്ഷയെന്ന് സമസ്ത നേതാക്കള്‍ പറഞ്ഞു. സ്‌കൂള്‍ പഠന സമയം മാറ്റം മൂലം മദ്രസ പഠനത്തിനും പൊതു സമൂഹത്തിനും ഉണ്ടായ പ്രയാസങ്ങള്‍ മന്ത്രിയെ ബോധ്യപ്പെടുത്തുകയും സമസ്തയുടെ നിര്‍ദ്ദേശങ്ങള്‍ രേഖാമൂലം സമര്‍പ്പിക്കുകയും ചെയ്തു.

ഹൈക്കോടതി വിധിയുടെ പശ്ചാത്തലത്തില്‍ സര്‍ക്കാര്‍ നിശ്ചയിച്ച കമ്മീഷന്റെ നിര്‍ദ്ദേശപ്രകാരം വരുത്തിയ മാറ്റം ഈ വര്‍ഷം മാറ്റുന്നതിനുള്ള പ്രയാസം മന്ത്രി പറയുകയും എന്നാല്‍ അടുത്തവര്‍ഷം ചര്‍ച്ച ചെയ്ത് പരിഹാരം ഉണ്ടാക്കുന്നതാണെന്ന് മന്ത്രി ഉറപ്പുനല്‍കി. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ മാനേജര്‍ കെ മോയിന്‍കുട്ടി മാസ്റ്റര്‍, എസ്.കെ.എം.എം.എ വര്‍ക്കിംഗ് സെക്രട്ടറി കെ.കെ.എസ് തങ്ങള്‍ വെട്ടിച്ചിറ, എസ്.കെ.എസ്.എസ്.എഫ് സംസ്ഥാന ജനറല്‍ സെക്രട്ടറി ഒ.പി.എം. അഷ്‌റഫ്, സമസ്ത പി.ആര്‍.ഒ. മുഹമ്മദ് ത്വയ്യിബ് ഹുദവി എന്നിവര്‍ ചര്‍ച്ചയില്‍ പങ്കെടുത്തു.

Discussions with the Minister regarding changes to school study hours have raised expectations for a revised schedule that could better suit students and teachers

.