ഇടുക്കി: കനത്ത മഴയില്‍ മൂന്നാറില്‍ മണ്ണിടിഞ്ഞ് കടകള്‍ തകര്‍ന്നു. ആളപായമില്ല. കണ്ണന്‍ ദേവന്‍ പ്ലാന്റേഷന്‍ റീജണല്‍ ഓഫീസിന് സമീപത്തെ നാല് വഴിയോര കടകള്‍ക്ക് മുകളിലേക്കാണ് മണ്ണിടിഞ്ഞത്. കടകളില്‍ ആളില്ലാത്തതിനാല്‍ വലിയ അപകടം ഒഴിവായി. അപകടത്തില്‍ നാല് കടകളും പൂര്‍ണമായും തകര്‍ന്നു. 

സംസ്ഥാനത്തുടനീളം കനത്ത മഴ തുടരുന്ന സാഹചര്യത്തില്‍ ഇടുക്കി ജില്ലയില്‍ പ്രത്യേക നിയന്ത്രണങ്ങള്‍ ഏര്‍പ്പെടുത്തി ദുരന്തനിവാരണ അതോറിറ്റി ഉത്തരവിറക്കി. മൂന്നാര്‍ ഗ്യാപ് റോഡില്‍ രാത്രി യാത്രയ്ക്ക് നിയന്ത്രണമേര്‍പ്പെടുത്തിയിട്ടുണ്ട്. മൈനിങ് പ്രവര്‍ത്തനങ്ങള്‍ നിര്‍ത്തിവെയ്ക്കണമെന്നും, തോട്ടം മേഖലയിലെ പുറം ജോലികള്‍ നിര്‍ത്തണമെന്നും നിര്‍ദേശമുണ്ട്. 

നേരത്തെ എറണാകുളം ജില്ലയിലും സമാനമായ നിയന്ത്രണങ്ങള്‍ ഏര്‍പ്പെടുത്തിയിരുന്നു. കൊച്ചി നഗരത്തില്‍ വിവിധ ഭാഗങ്ങളില്‍ രൂക്ഷമായ വെള്ളക്കെട്ട് രൂപപ്പെട്ടു. കളമശ്ശേരി, ഇടപ്പള്ളി, എംജി റോഡ്, പാലാരിവട്ടം പ്രദേശങ്ങളില്‍ മഴ തുടരുകയാണ്. നിലവില്‍ എറണാകുളം ജില്ലയുടെ മലയോര പ്രദേശങ്ങളില്‍ രാത്രി യാത്ര നിരോധനം ഏര്‍പ്പെടുത്തിയിട്ടുണ്ട്.

ALSO READ: കാലിക്കറ്റ് യൂണിവേഴ്സിറ്റി യൂണിയൻ തെരഞ്ഞെടുപ്പ്; ചരിത്രം രചിച്ച് എംഎസ്എഫ്; ഭരണം നിലനിർത്തി യുഡിഎസ്എഫഅതേസമയം സംസ്ഥാനത്തുടനീളം ശക്തമായ മഴയും, മോശം കാലാവസ്ഥയും തുടരുകയാണ്. ഇന്ന് മൂന്ന് ജില്ലകളില്‍ അടിയന്തര റെഡ് അലര്‍ട്ട് പ്രഖ്യാപിച്ചിട്ടുണ്ട്. എറണാകുളം, ഇടുക്കി, തൃശൂര്‍ ജില്ലകള്‍ക്കാണ് മുന്നറിയിപ്പുള്ളത്. ജാര്‍ഖണ്ഡിലെ തീവ്രന്യൂനമര്‍ദ്ദവും ഗുജറാത്ത് മുതല്‍ വടക്കന്‍ കേരളം വരെയുള്ള ന്യൂനമര്‍ദ്ദപാത്തിയും മൂലം വരും ദിവസങ്ങളിലും മഴ കനക്കുമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്‍കി.

A landslide triggered by heavy rain has damaged roadside shops in Munnar. Fortunately, there were no casualties. The landslide occurred above four shops near the Kannan Devan Plantation Regional Office.