കൊച്ചി: വരാനിരിക്കുന്ന നിയമസഭാ തിരഞ്ഞെടുപ്പില്‍ യുഡിഎഫിന് നൂറ് സീറ്റ് കിട്ടിയാല്‍ താന്‍ എസ്എന്‍ഡിപി യോഗത്തിന്റെ ജനറല്‍ സെക്രട്ടറി പദവി രാജിവെക്കുമെന്ന് വെള്ളാപ്പള്ളി. യുഡിഎഫിന് 98 സീറ്റ് പോലും ലഭിക്കില്ലെന്നും നൂറ് സീറ്റ് ലഭിച്ചില്ലെങ്കില്‍ വി.ഡി സതീശന്‍ രാജിവെച്ച് വനവാസത്തിന് പോകുമോ എന്നും വെള്ളാപ്പള്ളി ചോദിച്ചു. പറവൂരില്‍ നടന്ന ഒരു ചടങ്ങില്‍ വെച്ചായിരുന്നു വെള്ളാപ്പള്ളിയുടെ വെല്ലുവിളി. കഴിഞ്ഞ ദിവസം വി.ഡി സതീശന്‍ ഈഴവ വിരോധിയാണെന്ന് വെള്ളാപ്പള്ളി പറഞ്ഞിരുന്നു.

ALSO READ: വെള്ളാപ്പള്ളി പച്ചക്ക് വർഗീയത പറയുന്നതിൽ സർക്കാരും കൂട്ടുനിൽക്കുന്നു; നികുതി ഇല്ലാത്തതിനാൽ ആർക്കും എന്തും പറയാമെന്ന അവസ്ഥയാണ്: സർക്കാരിന്റെ മറുപടി ആവശ്യപ്പെട്ട് പി.കെ. കുഞ്ഞാലിക്കുട്ടി

വി.ഡി സതീശന്‍ അഹങ്കാരത്തിന് കൈയും കാലും വെച്ചിരിക്കുകയാണെന്നും മുഖ്യമന്ത്രിയാകുമെന്ന് കരുതിയാണ് അദ്ദേഹത്തിന്റെ അഹങ്കാരമെന്നും വെള്ളാപ്പള്ളി പറഞ്ഞു. ഈഴവനായ കെ സുധാകരനെ സതീശന്‍ പുറത്തുചാടിച്ചെന്നും വെള്ളാപ്പള്ളി ആരോപിച്ചു.

വി.ഡി സതീശന്റെ മണ്ഡലത്തില്‍ വന്ന് കാര്യങ്ങള്‍ പറയാതെ പോകുന്നത് സമുദായത്തിന്റെ അന്തസ്സിന് യോജിച്ചതല്ലെന്നും വെള്ളാപ്പള്ളി പറഞ്ഞു. സതീശന്‍ നമ്മുടെ സമുദായത്തെ അധിക്ഷേപിച്ചെന്നും വെള്ളാപ്പള്ളി പറഞ്ഞു.

താന്‍ ശ്രീനാരായണ ധര്‍മം പഠിക്കണമെന്നാണ് വി.ഡി സതീശന്‍ പറയുന്നത്. സതീശന്‍ തന്നെ ശ്രീനാരായണ ധര്‍മം പഠിപ്പിക്കേണ്ടതില്ല, ഈഴവന് വേണ്ടി സതീശന് എന്താണ് ചെയ്തത്? തോല്‍ക്കാനായാണ് സതീശന്‍ ഇതെല്ലാം പറയുന്നത്. വെള്ളാപ്പള്ളി പറഞ്ഞു.

ALSO READ: ആര്‍എസ്എസ് ജ്ഞാനസഭ; കേരളത്തിലെ നാല് വിസിമാര്‍ പങ്കെടുത്തു

രാഷ്ട്രീയത്തിൽ അഹങ്കാരത്തോടെ സംസാരിക്കുന്നവർക്ക് എല്ലായ്‌പ്പോഴും തോൽവിയാണ് ഫലമെന്നും എസ്‌എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ പറഞ്ഞു. "100 പേരെ ജയിപ്പിക്കുമെന്ന് പറഞ്ഞ സതീശന് ഒന്നും ചെയ്യാൻ കഴിയില്ല," വെള്ളാപ്പള്ളി പരിഹസിച്ചു.

"ഈഴവർ വോട്ട് ചെയ്യുന്ന യന്ത്രങ്ങളാണെന്നല്ലാതെ അവർക്ക് അധികാരം ലഭിക്കുന്നില്ല. മുസ് ലിം വിരോധിയായി തന്നെ ഒതുക്കാൻ ശ്രമിച്ചാലും ഒതുങ്ങുന്നവനല്ല ഞാൻ," വെള്ളാപ്പള്ളി വ്യക്തമാക്കി. പറവൂരിൽ 52% വോട്ട് ഉറപ്പാണെന്ന് സതീശൻ പറഞ്ഞിട്ടും തോറ്റതിന്റെ ചരിത്രം അദ്ദേഹം ഓർമിപ്പിച്ചു. ഇതുപോലെ അഹങ്കാരത്തോടെ സംസാരിച്ചവർ മാരാരിക്കുളത്തും തോറ്റിട്ടുണ്ട് എന്നും വെള്ളാപ്പള്ളി കൂട്ടിച്ചേർത്തു.