കാന്‍ബെറ: ആസ്‌ത്രേലിയയില്‍ ഇന്ത്യന്‍ വംശജന് നേരെ വീണ്ടും വംശീയാധിക്ഷേപവും ആക്രമണവും. സൗരഭ് ആനന്ദ് എന്ന 33കാരനാണ് അതിക്രൂര ആക്രമണത്തിനും വംശീയാധിക്ഷേപത്തിനും ഇരയായത്.  ദിവസങ്ങള്‍ക്കുമുമ്പ് ചരണ്‍പ്രീത് സിങ് എന്ന 23കാരനായ വിദ്യാര്‍ഥിയും ഇത്തരത്തിലുള്ള ആക്രമമത്തിന് ഇരയായിരുന്നു. കത്തികൊണ്ട് വെട്ടും കുത്തും വരെ ഏറ്റ് ഗുരുതരമായ നിലയിലുള്ള ആനന്ദ് ആശുപത്രിയിയില്‍ ചികിത്സയിലാണ്. 

അതിക്രൂരമായ ആക്രമണമാണ് ആനന്ദിന് നേരെ ഉണ്ടായതെന്ന് പൊലിസ് തന്നെ പറയുന്നു. അഞ്ചുപേരടങ്ങിയ സംഘം വളഞ്ഞിട്ട് അക്രമിക്കുകയായിരുന്നു.  വെട്ടേറ്റ് സൗരഭിന്റെ കൈ ഏതാണ്ട് അറ്റനിലയിലാണ്. കത്തി ഉപയോഗിച്ച് ശരീരത്തില്‍ നിരവധി തവണ കുത്തിയിട്ടുമുണ്ട്.  നട്ടെല്ലിനും  പൊട്ടലുണ്ട്. ജൂലായ് 19ന് ഷോപ്പിങ് സെന്ററിലെ ഫാര്‍മസിയില്‍നിന്ന് മരുന്ന് വാങ്ങി മടങ്ങവെയായിരുന്നു ക്രൂര ആക്രമണമുണ്ടായത്. വഴിയില്‍ സുഹൃത്തിന്റെ ഫോണ്‍ വന്നപ്പോള്‍ സൗരഭ് അത് അറ്റന്‍ഡ് ചെയ്തു ആ സമയത്താണ് അഞ്ചംഗ സംഘം എത്തിയത്. ആദ്യം അക്രമികളിലൊരാല്‍ ബലംപ്രയോഗിച്ച് സൗരഭിന്റെ പോക്കറ്റ് പരിശോധിച്ചു. അതിനിടക്ക് അടുത്തയാള്‍ ലസൗരഭിനെ അതിക്രൂരമായി മര്‍ദ്ദിക്കാന്‍ തുടങ്ങി. അതിനിടെ മറ്റൊരാള്‍ കത്തിയെടുത്ത് സൗരഭിനെ കുത്തി. പ്രതിരോധിക്കാന്‍ ശ്രമിക്കുന്നതിനിടെയാണ് തന്റെ കൈക്ക് വെട്ടേറ്റതെന്ന് സൗരഭ് പറയുന്നു. 

ALSO READ: ഒരു ഗുളിക വാങ്ങണമെങ്കില്‍ പോലും 13 കിലോമീറ്റര്‍ പോവണം;  ഒരു വര്‍ഷമായിട്ടും സാധാരണ നിലയിലാവാതെ ചൂരല്‍മലക്കാരുടെ ജീവിതം

'വേദന മാത്രമാണ് എനിക്ക് ഓര്‍മ്മയുള്ളത്, എന്റെ കൈ ഒരു നൂലിലെന്ന പോലെ തൂങ്ങിക്കിടക്കുകയായിരുന്നു,' അദ്ദേഹം പറഞ്ഞു. കൈ ഓപറേഷന്‍ വഴി ശരീരത്തില്‍ പിടിപ്പിച്ചിട്ടുണ്ട്. കുറ്റവാളികളില്‍ നാല് പേരെ അറസ്റ്റ് ചെയ്തതായി ആസ്‌ത്രേലിയന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നു.  

അഡ്‌ലൈഡിലെ കിന്റോര്‍ അവന്യുവില്‍ രാത്രി നഗരത്തിലെ ലൈറ്റ് ഷോ കാണാനെത്തിയപ്പോഴായിരുന്നു ചരണ്‍പ്രീത് സിങ്ങിന് നേരെ ആക്രമണമുണ്ടായത്. പ്രകോപനങ്ങളൊന്നുമില്ലാതെ അഞ്ചംഗ സംഘം ആക്രമണം അഴിച്ചുവിട്ടത്. ഇന്ത്യക്കാര്‍ക്കെതിരെ തെറിയഭിഷേകം നടത്തിക്കൊണ്ടായിരുന്നു ആക്രമണം. കാറില്‍ നിന്നും വലിച്ചിഴച്ച ശേഷം, റോഡിലിട്ട് മര്‍ദിക്കുകയായിരുന്നു. ആക്രമണങ്ങളില്‍ മുഖത്തും ദേഹമാസകലവും പരിക്കേറ്റ ചരണ്‍പ്രീത് സിങ് ആശുപത്രിയില്‍ ചികിത്സയിലാണ്.

In another disturbing incident of racial abuse and assault in Australia, 33-year-old Sourabh Anand, an Indian-origin man, was brutally attacked.