അബൂദബി: കമ്പനിയുടെ രഹസ്യവിവരങ്ങൾ ചോർത്തിയതിന് തൊഴിലുടമയ്ക്ക് 50,000 ദിർഹം നഷ്ടപരിഹാരം നൽകാൻ മുൻ ജീവനക്കാരനോട് അബൂദബി ഫാമിലി, സിവിൽ, അഡ്മിനിസ്ട്രേറ്റീവ് ക്ലെയിംസ് കോടതി. തന്റെ ജോലിസ്ഥലത്തെ ഇമെയിൽ വഴി തന്ത്രപ്രധാന വിവരങ്ങൾ ചോർത്തിയെന്ന കമ്പനിയുടെ ആരോപണത്തെ തുടർന്നാണ് വിധി.

ALSO READ: ആറുമാസംകൊണ്ട് ദുബൈയില്‍ യാത്ര ചെയ്തവര്‍ 39 കോടിയാളുകള്‍, ഏറ്റവും തിരക്കേറിയ മെട്രോ സ്റ്റേഷന്‍ ബുര്‍ജുമാന്‍, ആരെയും ആകര്‍ഷിപ്പിക്കുന്ന ദുബൈയിലെ മൊബിലിറ്റി

നിയമന സമയത്ത് ജീവനക്കാരൻ രഹസ്യസ്വഭാവമുള്ള വിവരങ്ങൾ വെളിപ്പെടുത്തരുതെന്ന കരാറിൽ ഒപ്പുവെച്ചിരുന്നതായി കോടതി രേഖകൾ വ്യക്തമാക്കുന്നു. കമ്പനി നൽകിയ ഔദ്യോഗിക ഇമെയിൽ അക്കൗണ്ട് ഉപയോഗിച്ചാണ് ഇയാൾ രഹസ്യവിവരങ്ങളും രേഖകളും അനധികൃതമായി പുറത്തുവിട്ടത്. കമ്പനി നടത്തിയ ആഭ്യന്തര അന്വേഷണത്തിൽ ജീവനക്കാരൻ ഇമെയിൽ വഴി ഡാറ്റ ചോർത്തിയതിന്റെ തെളിവുകൾ കണ്ടെത്തുകയായിരുന്നു.

ഫോറൻസിക് ടെക്നോളജി റിപ്പോർട്ട്, ജീവനക്കാരന്റെ അക്കൗണ്ടിൽ നിന്ന് തന്ത്രപ്രധാന വിവരങ്ങൾ അയച്ചതായി സ്ഥിരീകരിച്ചു. തുടർന്ന് കമ്പനി ക്രിമിനൽ പരാതി ഫയൽ ചെയ്യുകയായിരുന്നു. അബൂദബി ക്രിമിനൽ കോടതി ജീവനക്കാരനെ കുറ്റക്കാരനായി കണ്ടെത്തി 30,000 ദിർഹം പിഴ ചുമത്തി. ഈ വിധി അപ്പീൽ കോടതി ശരിവയ്ക്കുകയായിരുന്നു.

സിവിൽ കേസിൽ, കമ്പനി 51,000 ദിർഹം നഷ്ടപരിഹാരം ആവശ്യപ്പെട്ടു. തുടർന്ന് ഭൗതിക, ധാർമിക, പ്രശസ്തിക്ക് ഉണ്ടായ കേടുപാടുകൾ എന്നിവ കണക്കിലെടുത്ത് കോടതി, മുൻ ജീവനക്കാരനോട് 50,000 ദിർഹം നഷ്ടപരിഹാരം നൽകാൻ ഉത്തരവിടുകയായിരുന്നു.

ALSO READ: ടൂറിസ്റ്റുകളെ 'സുവനീര്‍ പാസ്‌പോര്‍ട്ടുകള്‍' നല്‍കി സ്വീകരിക്കാന്‍ ദുബൈ എയര്‍പോര്‍ട്ട് സജ്ജം

നിയമപരമായ മുന്നറിയിപ്പ്

"നിയമലംഘനങ്ങൾക്ക് യുഎഇയിൽ കർശന ശിക്ഷകൾ ലഭിക്കുമെന്ന് ഈ കേസ് ഓർമിപ്പിക്കുന്നു. ജോലിസ്ഥലത്തെ രഹസ്യവിവരങ്ങൾ സംരക്ഷിക്കേണ്ടത് ജീവനക്കാരുടെ ഉത്തരവാദിത്തമാണ്," കോടതി വിധി പ്രസ്താവനയിൽ അബൂദബി ജുഡീഷ്യൽ വകുപ്പ് വ്യക്തമാക്കി. കമ്പനികൾ തങ്ങളുടെ ഡാറ്റ സുരക്ഷ ഉറപ്പാക്കുന്നതിന് ശക്തമായ നടപടികൾ സ്വീകരിക്കാൻ ഈ വിധി പ്രേരണയാകുമെന്നാണ് വിലയിരുത്തപ്പെടുന്നത്.'

Abu Dhabi court has imposed a Dh50,000 fine on a former employee for disclosing confidential company information. The case highlights the UAE’s strict stance on corporate data breaches and protection of business secrets.