ദുബൈ: വേനല്‍ക്കാലത്ത് ദുബൈയിലെത്തുന്ന സഞ്ചാരികള്‍ക്ക് നഗരത്തിലെ വിനോദ സഞ്ചാര അനുഭവങ്ങള്‍ കൂടുതല്‍ എളുപ്പത്തിലും ആകര്‍ഷകമായും പരിചയപ്പെടുത്തുന്നതിനായി പുതിയ സംരംഭത്തിന് തുടക്കമായി. ദുബൈ സര്‍ക്കാര്‍ മീഡിയ ഓഫിസ് ക്രിയേറ്റിവ് വിഭാഗമായ ബ്രാന്‍ഡ് ദുബൈ ജനറല്‍ ഡയരക്ടറേറ്റ് ഓഫ് റെസിഡന്‍സി ആന്‍ഡ് ഫോറീനേഴ്‌സ് അഫയേഴ്‌സുമാ(ജി.ഡി.ആര്‍.എഫ്.എ)യി സഹകരിച്ചാണ് ഈ പുതിയ സംരംഭം ആരംഭിച്ചത്. ഇതിന്റെ ഭാഗമായി, ദുബൈ എയര്‍പോര്‍ട്ടിലൂടെ എത്തുന്ന കുടുംബ സന്ദര്‍ശകരെ ആകര്‍ഷകമായ 'സുവനീര്‍ പാസ്‌പോര്‍ട്ടുകള്‍' നല്‍കി സ്വീകരിക്കും. പ്രത്യേകിച്ചും, കുട്ടികളെ ആകര്‍ഷിച്ചുകൊണ്ട് ദുബൈ എയര്‍പോര്‍ട്ടിലെ അവരുടെ എമിഗ്രേഷന്‍ കൗണ്ടറില്‍ ഇതിന്റെ വിതരണം സജീവമാണ്.
ഈ പാസ്‌പോര്‍ട്ടുകള്‍ ദുബൈയിലെ വൈവിധ്യമാര്‍ന്ന വേനല്‍ വിനോദങ്ങളെ രസകരവും ആകര്‍ഷകവുമായ രീതിയില്‍ പരിചയപ്പെടുത്തും. പാസ്‌പോര്‍ട്ടില്‍ നല്‍കിയ ക്യു.ആര്‍ കോഡ് സ്‌കാന്‍ ചെയ്യുന്നതിലൂടെ സന്ദര്‍ശകര്‍ക്ക് ദുബൈ ഡെസ്റ്റിനേഷന്‍സ് വെബ്‌സൈറ്റിലേക്ക് പ്രവേശിക്കാന്‍ സാധിക്കും.

 

 

നിലവില്‍ നടന്നു കൊണ്ടിരിക്കുന്ന ദുബൈ ഡെസ്റ്റിനേഷന്‍സ് വേനല്‍ക്കാല പ്രചാരണ പരിപാടിയുടെ ഭാഗമായാണ് ഇത്തരമൊരു സംരംഭം. ദുബൈയിലെ വേനല്‍ക്കാലം പരമാവധി പ്രയോജനപ്പെടുത്താന്‍ സഹായിക്കുന്ന സംവേദനാത്മക ഗൈഡുകളും പ്രത്യേക യാത്രാ പദ്ധതികളും ലഭ്യമാണ്. നഗരത്തിലെ മികച്ച ആകര്‍ഷണങ്ങള്‍, വിനോദ കേന്ദ്രങ്ങള്‍, അടക്കമുള്ളവയെ കുറിച്ച് സമഗ്ര വിവരങ്ങള്‍ ഇതിലൂടെ ലഭിക്കും. ദുബൈയുടെ ടൂറിസം സാധ്യതകള്‍ ലോകമെമ്പാടുമുള്ള സന്ദര്‍ശകരിലേക്ക് എത്തിക്കുന്നതിനും, അവരുടെ ദുബൈ യാത്ര കൂടുതല്‍ അവിസ്മരണീയമാക്കുന്നതിനും ഈ സംരംഭം സഹായകമാകുമെന്ന് ജി.ഡി.ആര്‍.എഫ്.എ പ്രതീക്ഷ പ്രകടിപ്പിച്ചു.

Dialling up the excitement surrounding the #DubaiDestinations summer campaign, Brand Dubai and the General Directorate of Identity and Foreigners Affairs partner to highlight the very best of Dubai’s summertime experiences for visitors.@BrandDubai | @GDRFADUBAI pic.twitter.com/A7IFWIUx3g

— Dubai Media Office (@DXBMediaOffice) July 25, 2025

കുടുംബങ്ങളോടൊപ്പം ദുബൈ സന്ദര്‍ശിക്കുന്നവര്‍ക്ക് വേനല്‍ക്കാലത്ത് ആസ്വദിക്കാന്‍ കഴിയുന്ന നിരവധി ഇന്‍ഡോര്‍ ആകര്‍ഷണങ്ങളെക്കുറിച്ചുള്ള വിവരങ്ങളും ഈ പാസ്‌പോര്‍ട്ടിലൂടെയും വെബ്‌സൈറ്റിലൂടെയും ലഭ്യമാണ്.

ALSO READ: ആറുമാസംകൊണ്ട് ദുബൈയില്‍ യാത്ര ചെയ്തവര്‍ 39 കോടിയാളുകള്‍, ഏറ്റവും തിരക്കേറിയ മെട്രോ സ്റ്റേഷന്‍ ബുര്‍ജുമാന്‍, ആരെയും ആകര്‍ഷിപ്പിക്കുന്ന ദുബൈയിലെ മൊബിലിറ്റി
Brand Dubai, the creative arm of the Government of Dubai Media Office, has partnered with the General Directorate of Residency and Foreigners Affairs (GDRFA) to inject fresh energy into its ongoing Dubai Destinations summer campaign.