ബെംഗളൂരു: ധർമസ്ഥലയിലെ ശുചീകരണ തൊഴിലാളിയുടെ വെളിപ്പെടുത്തലിൽ മൃതദേഹങ്ങൾ മറവുചെയ്തതായി പറയപ്പെടുന്ന സ്ഥലങ്ങളിൽ ഇന്ന് പരിശോധന നടത്താൻ പ്രത്യേക അന്വേഷണ സംഘം (എസ്ഐടി) തീരുമാനിച്ചു. ഇതിനായി 12 പേർ അടങ്ങുന്ന സംഘത്തെ കുഴിയെടുക്കാൻ നിയോഗിക്കാൻ പഞ്ചായത്തിന് നിർദേശം നൽകി. ഇന്ന് സാക്ഷിയെ ബെൽത്തങ്കടിയിലെ എസ്ഐടി ഓഫീസിലേക്ക് കൊണ്ടുപോകും.

ഇന്നലെ സാക്ഷി ചൂണ്ടിക്കാട്ടിയ 13 സ്ഥലങ്ങളിൽ എസ്ഐടി ഉദ്യോഗസ്ഥർ ജിയോടാഗിംഗ് നടത്തിയിട്ടുണ്ട്. ഇതിൽ സർക്കാർ, വനംവകുപ്പ്, ധർമസ്ഥല ട്രസ്റ്റ്, സ്വകാര്യവ്യക്തികൾ എന്നിവയുടെ പേർകീഴിലുള്ള ഭൂമികൾ ഉൾപ്പെടുന്നു. ട്രസ്റ്റിനോ സ്വകാര്യവ്യക്തികളുടെ പേർകീഴിലുള്ള ഭൂമിയിൽ പരിശോധന നടത്താൻ കോടതിയുടെ പ്രത്യേക അനുമതി ആവശ്യമാണ്.

ALSO READ: യുവതിക്ക് പാസ് അനുവദിച്ചില്ല; സ്വകാര്യ ബസ് കണ്ടക്ടർക്ക് നേരെ ക്രൂരമർദ്ദനം

ധർമസ്ഥല പഞ്ചായത്ത് അധികൃതർ ശുചീകരണ തൊഴിലാളിയുടെ വെളിപ്പെടുത്തലിനെ നിഷേധിച്ചു ​രം​ഗത്തെത്തി. സാക്ഷി ചൂണ്ടിക്കാട്ടിയ സ്ഥലങ്ങളിൽ കുഴിച്ചിട്ടിരിക്കുന്ന മ‍ൃതദേഹങ്ങൾ അല്ല അവിടെയുള്ളതെന്നും ആത്മഹത്യ ചെയ്തതോ അല്ലെങ്കിൽ അജ്ഞാത മൃതദേഹങ്ങളോ ആയിരിക്കാമെന്നാണ് പഞ്ചായത്തിന്റെ വാദം. 1989 മുതൽ ഇത്തരം മൃതദേഹങ്ങൾ പിഎച്ച്സി ഡോക്ടർ പരിശോധിച്ച ശേഷം അവിടെത്തന്നെ മറവുചെയ്തിരുന്നതായി പഞ്ചായത്ത് വൈസ് പ്രസിഡന്റ് ശ്രീനിവാസ് റാവു അവകാശപ്പെട്ടു. ഇതിനുള്ള രേഖകൾ എസ്ഐടിക്ക് കൈമാറാൻ തയ്യാറാണെന്നും അദ്ദേഹം വ്യക്തമാക്കി.

ALSO READ: കെഎസ്ആർടിസി ബസിൽ യുവതിക്ക് നേരെ നഗ്നതാ പ്രദർശനം: പ്രതിക്കായി ലുക്കൗട്ട് നോട്ടീസ്

എന്നാൽ, സാക്ഷിയുടെ അഭിഭാഷകർ ഇതിനെ ശക്തമായി എതിർത്തു. സാക്ഷി ചൂണ്ടിക്കാട്ടിയ സ്ഥലങ്ങൾ കുഴിമാടങ്ങളോ പൊതുശ്മശാനമോ ആകാൻ സാധ്യതയില്ലാത്ത ഉൾക്കാട്ടിലെ പ്രദേശങ്ങളാണെന്ന് അവർ വാദിച്ചു. പൊതുശ്മശാനത്തിന് പകരം എന്തുകൊണ്ട് ഇത്തരം വനമേഖലകൾ തെരഞ്ഞെടുത്തുവെന്നും അഭിഭാഷകർ ചോദ്യമുയർത്തി. പഞ്ചായത്ത് അധികൃതർക്ക് സംഭവത്തിൽ പങ്കുണ്ടെന്ന് ആരോപിച്ച അഭിഭാഷകർ ശ്രീനിവാസ് റാവു ഉൾപ്പെടെയുള്ളവരെ അറസ്റ്റ് ചെയ്യണമെന്ന് ആവശ്യപ്പെട്ടു.

മൃതദേഹാവശിഷ്ടങ്ങൾ കൃത്യമായി കണ്ടെത്താതെ നിഗമനങ്ങളിലേക്ക് എത്തില്ലെന്ന് എസ്ഐടി വ്യക്തമാക്കി. കുഴിച്ചുള്ള പരിശോധനയുമായി അന്വേഷണം മുന്നോട്ടുപോകും. 1980 മുതലുള്ള ദുരൂഹ മരണങ്ങൾ, ആത്മഹത്യകൾ, കാണാതായവർ എന്നിവയുടെ പട്ടിക ബെൽത്തങ്കടി, ധർമസ്ഥല പോലീസ് സ്റ്റേഷനുകൾ തയ്യാറാക്കിയിട്ടുണ്ട്. അന്വേഷണം ഊർജിതമായി മുന്നോട്ടുപോകുകയാണ്.

ALSO READ: ചേർത്തലയിൽ ശരീരാവശിഷ്ടങ്ങൾ കണ്ടെത്തിയ സംഭവം: പ്രതിയുടെ വീട്ടിൽ രക്തക്കറയും ഡീസൽ കന്നാസും കണ്ടെത്തി

In Dharamsthala, a special investigation team (SIT) will inspect sites where a sanitation worker allegedly buried bodies. Twelve workers have been assigned to excavate, and the witness will be brought to the SIT office in Belthangady by 9:30 AM today. The SIT has geotagged 13 locations, including government, forest, and private lands, with court permission required for some. The local panchayat denies the claims, citing past practices of burying unidentified bodies, while the witness's lawyers demand arrests, alleging official involvement. The investigation continues with a list of mysterious deaths and missing persons since 1980