തൃശൂർ: പെരിങ്ങോട്ടുകരയിൽ വയോധികയെ വെട്ടിയ കേസിലെ പ്രധാന പ്രതി പൊലിസ് പിടിയിൽ. വടക്കുമുറി സ്വദേശി വലിയപറമ്പിൽ വിട്ടിൽ ശ്രീബിൻ (21) ആണ് അന്തിക്കാട് പൊലിസിന്റെ പിടിയിലായത്. പെരിങ്ങോട്ടുകര സ്വദേശി കാതിക്കുടത്ത് വീട്ടിൽ ലീല (63)യെ കഴിഞ്ഞ മാർച്ച് 17-ന് വെട്ടിയ കേസിലാണ് അറസ്റ്റ്.

ആദിത്യകൃഷ്ണ എന്ന യുവാവ് അസഭ്യം വിളിച്ചതിന്റെ വൈരാഗ്യമാണ് ആദിത്യകൃഷ്ണയുടെ വല്യമ്മയായ ലീലയെ ആക്രമിക്കാൻ കാരണമെന്ന് പൊലിസ് പറഞ്ഞു. ഗുണ്ടാ സംഘത്തലവൻ കായ്ക്കുരു രാഗേഷിന്റെ സംഘത്തിലെ അംഗമാണ് ശ്രീബിൻ. രാഗേഷിന്റെ സംഘത്തെ ആദിത്യകൃഷ്ണ അസഭ്യം പറഞ്ഞതിലുള്ള വിരോധവും ആക്രമണത്തിന് കാരണമായി.

സംഭവദിവസം ശ്രീബിനും സംഘാംഗമായ ഷാജഹാനും ആദിത്യകൃഷ്ണയുടെ വീട്ടിലെത്തി. ആദിത്യകൃഷ്ണയുടെ അമ്മ സൗമ്യ മാത്രമാണ് അപ്പോൾ വീട്ടിലുണ്ടായിരുന്നത്. മകൻ എവിടെയെന്ന് ചോദിച്ചപ്പോൾ ഇല്ലെന്ന് സൗമ്യ മറുപടി നൽകി. ഇതിന് പിന്നാലെ സൗമ്യയെ വെട്ടിക്കൊല്ലുമെന്ന് യുവാക്കൾ ഭീഷണിപ്പെടുത്തി. ബഹളം കേട്ട് അയൽവീട്ടിൽ നിന്നെത്തിയ ലീല, ബഹളത്തിന്റെ കാരണം ചോദിച്ചപ്പോൾ ഷാജഹാൻ ഇവരുടെ ഇടത് കൈപ്പത്തി വെട്ടുകയായിരുന്നു.

ALSO READ: ധർമസ്ഥലയിൽ മൃതദേഹം മറവുചെയ്ത സ്ഥലങ്ങളിൽ പരിശോധന; 12 പേർ കുഴിയെടുക്കാൻ എത്തും, സാക്ഷിയെ എസ്ഐടി ഓഫീസിലേക്ക് കൊണ്ടുപോകും

സൗമ്യയുടെ പരാതിയിൽ അന്തിക്കാട് പൊലിസ് കേസെടുക്കുകയും കായ്ക്കുരു രാഗേഷ്, ഹരികൃഷ്ണൻ, അഖിൽ, ഷാജഹാൻ എന്നിവരെ നേരത്തെ അറസ്റ്റ് ചെയ്യുകയും ചെയ്തിരുന്നു. സംഭവത്തിന് ശേഷം ഒളിവിൽ പോയ ശ്രീബിനെ സുഹൃത്തുക്കളായ അഖിലും ഹരികൃഷ്ണനും രക്ഷപ്പെടാൻ സഹായിച്ചു. നാല് മാസത്തെ ഒളിവിന് ശേഷം ആലുവയിലെ ഒളിത്താവളത്തിൽ നിന്നാണ് പൊലിസ് ശ്രീബിനെ പിടികൂടിയത്.

ALSO READ: ഷാർജയിൽ മലയാളി വിപഞ്ചികയുടെയും മകളുടെയും മരണം: അന്വേഷണം ക്രൈംബ്രാഞ്ചിന്

In a revenge-driven attack, a 21-year-old fugitive, Sreebin, was arrested by Thrissur police for attacking a 63-year-old woman, Leela, in Perinngottukara. The assault, stemming from a verbal dispute, occurred in March, with Sreebin evading capture for four months before being apprehended in Aluva