തിരുവനന്തപുരം: പ്രവാസിയുടെ ഭൂമി തട്ടിയെടുത്ത കേസിൽ പരാതി നൽകിയ അമർനാഥ് പോളിനും ഭൂമി തട്ടിപ്പിൽ പങ്കുണ്ടെന്ന് മുഖ്യപ്രതി അനന്തപുരി മണികണ്ഠൻ. അയൽവാസിയായ അനിൽ തമ്പിയാണ് പണമെല്ലാം മുടക്കിയതെന്നും മണികണ്ഠൻ മൊഴി നൽകി. മ്യൂസിയം പൊലിസിനാണു മണികണ്ഠൻ മൊഴി നൽകിയത്.

അമേരിക്കയിലെ ഡോറ അസറിയക്ക് ഇഷ്ടദാനം നൽകിയ ഭൂമിയാണ് മാഫിയ സംഘം തട്ടിയെടുത്തത്. മണികണ്ഠൻ ആണ് വ്യാജ പ്രമാണങ്ങൾ ഉണ്ടാക്കി തട്ടിപ്പ് നടത്തിയത്. അനിൽ തമ്പി ആവശ്യപ്പെട്ടിട്ടായാണ് താൻ വ്യജ പ്രമാണങ്ങൾ ഉണ്ടാക്കിയതെന്നാണ് മണികണ്ഠന്റെ മൊഴി. 

ഒരു അഭിഭാഷകൻ വഴി അസറിയുടെ ബന്ധുവും ഭൂമി നോക്കി നടത്തിപ്പുകാരനായ അമർനാഥ് പോളുമായി ചർച്ചനടത്തുകയും അമർനാഥിന് വലിയ തുക ഓഫർ ചെയ്യുകയും ചെയ്യുകയുമായിരുന്നു. ഡോറയുടെ വളർത്തുമകൾ എന്നെ വ്യാജേന സുഹൃത്തായ മെറിൻ സബ് രജിസ്റ്റാർ ഓഫീസിൽ ഹാജരാക്കി ഇഷ്ടദാനമായി ഭൂമി തട്ടിയെടുക്കുകയായിരുന്നു.  

ഇതിനായുള്ള ആധാരം എഴുതി തയ്യാറാക്കിയ മണികണ്ഠൻ ഇതിൽ ഒരു അഭിഭാഷകനെ കൊണ്ട് ഒപ്പ് വാങ്ങുകയും ദിവസങ്ങൾക്കുള്ളിൽ ഈ ഭൂമി ഒന്നരകോടി രൂപക്ക് അനിൽ തമ്പിയുടെ ഭാര്യാ പിതാവിന്റെ പേരിലേക്ക് മാറ്റുകയായിരുന്നു. ഇതിനു പിന്നാലെ പണം കൊടുക്കാത്തതിനാൽ അമർനാഥ് പോളും തങ്ങളും തെറ്റിയെന്നാണ് മണികണ്ഠൻ മൊഴി നൽകിയത്.