ഹൈദരാബാദ്: ഇന്‍സ്റ്റഗ്രാമില്‍ പരിചയപ്പെട്ട യുവാവുമായി പ്രണയം. ഇയാളുമൊത്ത്  ഒളിച്ചോടാന്‍ 15 മാസം പ്രായമുള്ള കുഞ്ഞിനെ യുവതി ബസ് സ്റ്റാന്‍ഡില്‍ ഉപേക്ഷിച്ചു. തെലങ്കാനയിലാണ് സംഭവം.  നല്‍ഗൊണ്ട ആര്‍.ടി.സി ബസ്റ്റാന്‍ഡിലാണ് ഇവര്‍ കുഞ്ഞിനെ ഉപേക്ഷിച്ചത്. കാമുകന്‍ ആവശ്യപ്പെട്ടതിനെ തുടര്‍ന്ന് യുവതി തന്റെ കുഞ്ഞിനെ ഉപേക്ഷിച്ച് കടന്നു കളയുകയായിരുന്നുവെന്ന് റിപ്പോര്‍ട്ടുകള്‍ പറയുന്നു. 

ഹൈദരാബാദ് സ്വദേശി നവീനയാണ് തന്റെ 15 മാസം പ്രായമുള്ള കുഞ്ഞിനെ ബസ് സ്റ്റാന്‍ഡില്‍ ഉപേക്ഷിച്ച് കാമുകനോടൊപ്പം ഒളിച്ചോടിയത്. കുഞ്ഞിന്റെ കരച്ചില്‍ കേട്ടെത്തിയ തെലങ്കാന ട്രാന്‍സ്‌പോര്‍ട്ട് കോര്‍പ്പറേഷന്‍ ജീവനക്കാര്‍ സംഭവം പൊലിസില്‍ അറിയിക്കുകയായിരുന്നു.  പിന്നാലെ പൊലിസെത്തി ഭര്‍ത്താവിനെ വിളിച്ച് കുട്ടിയെ കൈമാറി.

ALSO READ: നീതി ലഭിക്കാതെ ബി.ജെ.പിയുമായി ചങ്ങാത്തമില്ല, കന്യാസ്ത്രീകളുടെ അറസ്റ്റ് ഇനി ഒരു മാനദണ്ഡമാവുമെന്നും ബസേലിയോസ് ക്ലീമിസ് ബാവ

സംഭവത്തിന്റെ സിസിടിവി ദൃശ്യങ്ങള്‍ പൊലിസിന് ലഭിച്ചിരുന്നു. ഇതിന്റെ സഹായത്തോടെയാണ് ഹൈദരാബാദ് സ്വദേശിയായ യുവതിയെയും നല്‍ഗൊണ്ട ഓള്‍ഡ് ടൗണ്‍ സ്വദേശിയായ ഇവരുടെ കാമുകനെയും തിരിച്ചറിഞ്ഞതെന്ന് പൊലിസ് വ്യക്തമാക്കി. കുഞ്ഞിനെ ഉപേക്ഷിച്ചതിനു ശേഷം യുവതി ഒരാളോടൊപ്പം മോട്ടോര്‍ സൈക്കിളില്‍ കയറി പോയതായി ടു ടൗണ്‍ എസ്.ഐ വി. സൈദലു പറഞ്ഞു. പ്രാഥമിക അന്വേഷണത്തില്‍ ഇരുവരും തമ്മില്‍ പ്രണയത്തിലായിരുന്നുവെന്നും ഭര്‍ത്താവിനെയും കുട്ടിയെയും ഉപേക്ഷിക്കാന്‍ തീരുമാനിച്ചിരുന്നുവെന്നും കണ്ടെത്തിയെന്നും അദ്ദേഹം കൂട്ടിച്ചേര്‍ത്തു.
  

A woman in Telangana left her 15-month-old child at the Nalgonda RTC bus stand to run away with a man she met on Instagram. Reports say the act was influenced by her boyfriend’s demand. The shocking incident has triggered public outrage.