ഇലക്ട്രിക് വാഹന വിപണിയിൽ ആഗോളതലത്തിൽ ടെസ്‌ലയെ വെല്ലുവിളിക്കുന്ന ചൈനീസ് നിർമാതാക്കളായ ബിൽഡ് യുവർ ഡ്രീംസ് (ബിവൈഡി) ഇന്ത്യൻ വിപണിയിൽ കരുത്ത് പ്രകടിപ്പിക്കാനൊരുങ്ങുന്നു. ടെസ്‌ലയുടെ തലവൻ എലോൺ മസ്‌കിന് തലവേദന സൃഷ്ടിക്കാൻ, ബിവൈഡി തങ്ങളുടെ പുതിയ കോംപാക്‌ട് ഇലക്ട്രിക് എസ്‌യുവിയായ അറ്റോ 2 ഇന്ത്യയിൽ അവതരിപ്പിക്കാൻ പദ്ധതിയിടുന്നതായി റിപ്പോർട്ടുകൾ. 2025 ബ്രസൽസ് മോട്ടോർ ഷോയിൽ ആദ്യമായി അനാച്ഛാദനം ചെയ്ത ഈ മോഡൽ, ഉത്സവ സീസണോടെ ഇന്ത്യൻ വിപണിയിൽ എത്തിയേക്കും.

നിലവിൽ ഇന്ത്യയിൽ അറ്റോ 3, സീൽ, ഇമാക്സ് 7, സീലയൺ 7 തുടങ്ങിയ മോഡലുകളുമായി ശക്തമായ സാന്നിധ്യം ഉറപ്പിച്ച ബിവൈഡി, കൂടുതൽ താങ്ങാനാവുന്ന വിലയിൽ അറ്റോ 2 അവതരിപ്പിച്ച് വിപണി പിടിച്ചടക്കാൻ ലക്ഷ്യമിടുന്നു. ഔദ്യോഗിക സ്ഥിരീകരണം ഇതുവരെ ലഭിച്ചിട്ടില്ലെങ്കിലും, ഇന്ത്യയിൽ ഇലക്ട്രിക് വാഹനങ്ങളോടുള്ള വർദ്ധിച്ചുവരുന്ന ആവശ്യകത കണക്കിലെടുത്ത്, ഈ കോംപാക്‌ട് എസ്‌യുവിക്ക് വൻ സ്വീകാര്യത ലഭിക്കുമെന്നാണ് വിലയിരുത്തൽ.

ALSO READ: യൂസ്ഡ് ഇവികൾക്ക് റീസെയിൽ വില കുറവോ?; ഇലക്ട്രിക് വാഹനങ്ങൾ വാങ്ങുന്നതിന് മുമ്പ് ഈ ശീലങ്ങൾ നിങ്ങൾക്കുണ്ടെങ്കിൽ പണി കിട്ടും

 

 

ബിവൈഡി അറ്റോ 2: സവിശേഷതകൾ

ബിവൈഡിയുടെ മൂന്നാം തലമുറ ഇ-പ്ലാറ്റ്ഫോം 3.0 അടിസ്ഥാനമാക്കി നിർമിച്ച അറ്റോ 2, 45.1 kWh ബാറ്ററി പായ്ക്കും സിംഗിൾ ഇലക്ട്രിക് മോട്ടോറും ഉൾക്കൊള്ളുന്നു. 175 bhp പവറും 290 Nm ടോർക്കും ഉത്പാദിപ്പിക്കാൻ ശേഷിയുള്ള ഈ വാഹനം, ഒറ്റ ചാർജിൽ 380 കിലോമീറ്റർ (NEDC) റേഞ്ച് വാഗ്ദാനം ചെയ്യുന്നു. ഫ്രണ്ട്-വീൽ ഡ്രൈവ് ലേഔട്ട് ഫീച്ചർ ചെയ്യുന്ന അറ്റോ 2, ചൈന, ബ്രസീൽ തുടങ്ങിയ വിപണികളിൽ ഇതിനകം വിൽപ്പനയ്‌ക്കെത്തിയിട്ടുണ്ട്.

വാഹനത്തിന്റെ 4310 mm നീളവും 1830 mm വീതിയും 1675 mm ഉയരവും ഒതുക്കമുള്ള രൂപകൽപ്പനയെ സൂചിപ്പിക്കുന്നു. ഇന്റീരിയറിൽ 12.8 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, 8.8 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്റർ, പനോരമിക് സൺറൂഫ്, ഹീറ്റഡ് പവർ-അഡ്ജസ്റ്റ് ചെയ്യാവുന്ന ഫ്രണ്ട് സീറ്റുകൾ, ലെതർ അപ്ഹോൾസ്റ്ററി എന്നിവ ശ്രദ്ധേയമാണ്.

ALSO READ: കാർ വിപണിയിൽ പുത്തൻ താരങ്ങൾ; ഓഗസ്റ്റിലെ ഏറ്റവും പുതിയ ലോഞ്ചുകളെ പരിചയപ്പെടാം

 

 

വിപണിയിൽ വെല്ലുവിളി

ഇന്ത്യയിൽ അറ്റോ 2 ലോഞ്ച് ചെയ്താൽ, ടാറ്റ നെക്സോൺ ഇവി, എംജി ZS ഇവി, മഹീന്ദ്ര BE 6 തുടങ്ങിയ മോഡലുകൾക്ക് ശക്തമായ എതിരാളിയാകും. ബിവൈഡിയുടെ അറ്റോ 3 മോഡലിന് താഴെയായി സ്ഥാനം പിടിക്കുന്ന അറ്റോ 2, താങ്ങാനാവുന്ന വിലയിൽ ലഭ്യമാകുന്നതിലൂടെ വിപണിയിൽ കൂടുതൽ ഉപഭോക്താക്കളെ ആകർഷിക്കും.

ടെസ്‌ലയുമായുള്ള മത്സരം നേരിട്ടല്ലെങ്കിലും, ഇന്ത്യയിൽ ബിവൈഡിയുടെ ഈ നീക്കം വൻ തോതിൽ ശ്രദ്ധനേടുമെന്നാണ് വിലയിരുത്തൽ. താങ്ങാനാവുന്ന വിലയും ആധുനിക സവിശേഷതകളും ഉൾക്കൊള്ളുന്ന അറ്റോ 2, ഇന്ത്യൻ ഇലക്ട്രിക് വാഹന വിപണിയിൽ പുതിയ മാനദണ്ഡങ്ങൾ സൃഷ്ടിച്ചേക്കും.

Chinese automaker BYD is set to launch its affordable Atto 2 compact electric SUV in India, aiming to challenge Tesla and rivals like Tata Nexon EV and MG ZS EV. Built on BYD’s e-Platform 3.0, the Atto 2 offers a 45.1 kWh battery, 175 bhp, and a 380 km range, featuring a modern interior with a 12.8-inch touchscreen and panoramic sunroof. Expected to arrive by the festive season, it could reshape India’s EV market