ഡൽഹി: ഛത്തീസ്ഗഡിൽ അറസ്റ്റിലായ മലയാളി കന്യാസ്ത്രീകളുടെ ജാമ്യ അപേക്ഷയിൽ ഉത്തരവ് ഇന്ന്. ജാമ്യത്തിനുവേണ്ടി  ഉന്നയിച്ച വാദങ്ങളെ പ്രോസിക്യൂഷൻ പൂർണമായി ഖണ്ഡിച്ചിരുന്നില്ല.  സാങ്കേതികമായി മാത്രമാണ് സർക്കാർ ജാമ്യ ഹരജിയെ എതിർത്തിരുന്നത്.  കേസ് അന്വേഷണം പ്രാരംഭഘട്ടത്തിൽ ആണെന്നും  പ്രോസിക്യൂട്ടർ കോടതിയെ അറിയിച്ചിരുന്നു. മനുഷ്യക്കടത്ത്,  മതപരിവർത്തനം എന്നീ കുറ്റങ്ങളിൽ ഒമ്പത് ദിവസമായി കന്യാസ്ത്രീകൾ ജയിലിൽ തുടരുമ്പോൾ ബിലാസ്പൂർ എൻഐഐ കോടതി ഇവരുടെ ജാമ്യ അപേക്ഷയിൽ ഇന്ന് ഉത്തരവ് പറയും.

കന്യാസ്ത്രീകൾക്കുവേണ്ടി ഹാജരായ മുതിർന്ന അഭിഭാഷകൻ അമൃത ദാസ് മനുഷ്യക്കടത്ത്, മതപരിവർത്തനം എന്നീ കുറ്റങ്ങൾ നിലനിൽക്കില്ല എന്നായിരുന്നു വാദിച്ചത്. അഞ്ചാം വയസ്സിൽ മതപരിവർത്തകയാണ് യുവതി. ജോലിക്ക് കൊണ്ടുപോയതിന് പൂർണമായ രേഖകളും ഉണ്ട്.  അതുകൊണ്ടുതന്നെ ചുമത്തിരിക്കുന്ന ഈ കുറ്റങ്ങൾ അടിസ്ഥാനം ഇല്ലാത്തതാണ് എന്നാണ് അമൃത ദാസ് വ്യക്തമാക്കിയത്. വാദം പൂർത്തിയായതോടെയാണ് കേസ് വിധിക്കായി മാറ്റിവച്ചത്. 

ജാമ്യ ഹരജിയെ പ്രോസിക്യൂഷൻ എതിർത്തത് ചതിയാണ് എന്നായിരുന്നു   പ്രതിപക്ഷത്തിലെ എംപിമാരുടെ പ്രതികരണം. ജാമ്യം കിട്ടിയാലും എഫ്ഐആർ റദ്ദാക്കുന്നത് വരെ ഈ പോരാട്ടം തുടരുമെന്നും എംപിമാർ അറിയിച്ചു.  എന്നാൽ ജാമ്യ അപേക്ഷയെ പ്രോസിക്യൂഷൻ എതിർക്കുന്നത് സ്വാഭാവികമാണെന്നാണ് ബിജെപി നേതാവ് ജോർജ് പറഞ്ഞത്.  പ്രോസിക്യൂഷൻ ഇടപെടൽ ജാമ്യത്തെ ബാധിക്കില്ലെന്നും ഷോൺ ജോർജ് പറഞ്ഞു. അതേസമയം കന്യാസ്ത്രീകളുടെ അറസ്റ്റിനെതിരെ കോൺഗ്രസ് പ്രതികരണം അറിയിച്ചിട്ടുണ്ട്. റായ്പൂരിലെ പ്രതിഷേധ യോഗത്തിൽ കോലം കത്തിക്കാൻ ശ്രമിച്ച പ്രവർത്തകരെ പൊലിസ് തടഞ്ഞത് സംഘർഷത്തിന് ഇടയാക്കിയിരുന്നു.