ഉത്തർ പ്രദേശിൽ ട്രെയിൻ പാളം തെറ്റി. ബിഹാറിലെ മുസാഫർപൂരിൽ നിന്ന് ഗുജറാത്തിലെ സബർമതിയിലേക്ക് പോവുകയായിരുന്ന 15269 സബർമതി ജനസാധാരൺ എക്സ്പ്രസാണ് പാളം തെറ്റിയത്. പങ്കി ധാം, ഭൗപൂർ സ്റ്റേഷനുകൾക്കിടയിലുള്ള ലൂപ്പ് ലൈനിൽ പ്രവേശിക്കുന്നതിനിടെയാണ് ട്രെയിനിന്റെ രണ്ട് കോച്ചുകൾ പാളം തെറ്റിയത്. വെള്ളിയാഴ്ച വൈകിട്ട് 4:20-നായിരുന്നു സംഭവം. ട്രെയിനിന്റെ എൻജിനിൽ നിന്ന് ആറാമത്തെയും ഏഴാമത്തെയും കോച്ചുകളാണ് പാളം തെറ്റിയത്. കാൺപൂർ സ്റ്റേഷനിൽ നിന്ന് പുറപ്പെട്ട ട്രെയിൻ സബർമതിയിലേക്കുള്ള യാത്രക്കിടെ ആയിരുന്നു അപകടം സംഭവിച്ചത്. ട്രെയിൻ കുറഞ്ഞ വേഗതയിൽ ആയിരുന്നതിനാൽ അപകടത്തിൽ ആർക്കും പരുക്കുകളില്ല. 

ALSO READ: ജമ്മു കശ്മീരിലെ കുൽഗാമിൽ സുരക്ഷാ സേനയും ഭീകരരും തമ്മിൽ ഏറ്റുമുട്ടൽ

"ഭൗപൂർ സ്റ്റേഷനിലെ ലൂപ്പ് ലൈനിൽ പ്രവേശിക്കവേ എൻജിനിൽ നിന്ന് ആറാമത്തെയും ഏഴാമത്തെയും കോച്ചുകൾ പാളം തെറ്റി. ട്രെയിനിന്റെ വേഗത വളരെ കുറവായിരുന്നതിനാൽ യാത്രക്കാർക്ക് പരുക്കേറ്റില്ല," ഒരു മുതിർന്ന റെയിൽവേ ഉദ്യോഗസ്ഥൻ പറഞ്ഞു.

"യാത്രക്കാരുടെ ബന്ധുക്കൾക്കായി ഹെൽപ്‌ലൈൻ നമ്പറുകൾ സജ്ജമാക്കിയിട്ടുണ്ട്. രക്ഷാപ്രവർത്തനങ്ങളും സാധാരണ സർവിസ് പുനഃസ്ഥാപിക്കാനുള്ള ശ്രമങ്ങളും റെയിൽവേ ആരംഭിച്ചു," ഉദ്യോഗസ്ഥൻ കൂട്ടിച്ചേർത്തു.

മുതിർന്ന റെയിൽവേ ഉദ്യോഗസ്ഥർ സ്ഥലത്തെത്തി ദുരിതാശ്വാസ, രക്ഷാ പ്രവർത്തനങ്ങൾക്ക് മേൽനോട്ടം വഹിക്കുന്നു.

A train derailment incident occurred in Uttar Pradesh involving the Sabarmati Jansadharan Express, which was traveling from Muzaffarpur in Bihar to Sabarmati in Gujarat. The train's two coaches derailed between Panki Dham and Bhau Pur stations on August 1, 2025, at around 4:30 PM. Fortunately, no casualties or major injuries were reported due to the relatively low speed of the train at the time of the incident ¹.