ശ്രീനഗർ: ജമ്മു കാശ്മീരിൽ മണ്ണിടിച്ചിൽ രണ്ട് ആളുകൾ മരിച്ചു. റിയാസി ജില്ലയിലെ ധർമാരിയിലാണ് അപകടം ഉണ്ടായത്. സബ് ഡിവിഷണൽ മജിസ്‌ട്രേറ്റ് രവീന്ദ്ര സിങ് റാണയും മകനുമാണ് മണ്ണിടിച്ചിൽ മരിച്ചത്. വ്യാഴാച്ച രാത്രിയിലാണ് അപകടം നടന്നത്. രവീന്ദ്ര സിങ് റാണയും കുടുംബവും സഞ്ചരിച്ച വാഹനത്തിന് മുകളിൽ കല്ലുകൾ പതിക്കുകയായിരുന്നു.

മണ്ണിടിച്ചിലിൽ ആറ് ആളുകൾക്ക് പരുക്കേൽക്കുകയും ചെയ്തു. ധർമാരിയിൽ നിന്നും പട്യാനിലേക്ക് പോവുകയായിരുന്നു ഇവർ. സലൂഖ് ഇഖ്‌തർ എന്ന സ്ഥലത്ത് എത്തിയപ്പോഴാണ് മണ്ണിടിച്ചാൽ ഉണ്ടായത്.  രവീന്ദ്ര സിങ് റാണയും മകനും സംഭവ സ്ഥലത്തു നിന്ന് തന്നെ മരണപ്പെട്ടു. പരുക്കേറ്റവരെ അടുത്തുള്ള ആശുപത്രിയിലും ഗുരുതരമായി പരുക്ക് പറ്റിയവരെ റിയാസിലെ ജില്ല ആശുപത്രിയിലേക്കും മാറ്റിയതായി ഉദ്യോഗസ്ഥർ അറിയിച്ചു.