തൃശ്ശൂർ: പ്രായപൂർത്തിയാകാത്ത ഒരു പെൺകുട്ടിയെ തട്ടിക്കൊണ്ടുപോയി ലൈംഗികമായി പീഡിപ്പിച്ച കേസിൽ രണ്ട് യുവാക്കളെ തമിഴ്‌നാട്ടിലെ സേലത്ത് നിന്ന് തൃശ്ശൂർ റൂറൽ പൊലിസ് അറസ്റ്റ് ചെയ്തു. താഴേക്കാട് സ്വദേശി അമൽ (25), തമിഴ്‌നാട് സേലം തുട്ടംപട്ടി താരമംഗലം സ്വദേശി വിശ്വഭായ് എന്ന വിശ്വ (21) എന്നിവരാണ് പിടിയിലായത്. തൃശ്ശൂർ റൂറൽ ജില്ലാ പൊലിസ് മേധാവി ബി. കൃഷ്ണകുമാറിന്റെ നേതൃത്വത്തിലുള്ള അന്വേഷണ സംഘമാണ് പ്രതികളെ കസ്റ്റഡിയിലെടുത്തത്.

പെൺകുട്ടിയെ ചാലക്കുടി, കൊരട്ടി, തൃശ്ശൂർ, വേളാങ്കണ്ണി, സേലം എന്നിവിടങ്ങളിൽ വെച്ച് പീഡിപ്പിച്ചതായി പൊലിസ് വ്യക്തമാക്കി. ഒരാഴ്ചയോളം തമിഴ്‌നാട്ടിലെ വിവിധ സ്ഥലങ്ങളിൽ നടത്തിയ വിപുലമായ അന്വേഷണത്തിനൊടുവിൽ, പെൺകുട്ടിയുമായി ഒളിവിൽ കഴിഞ്ഞിരുന്ന പ്രതികളെ സേലത്ത് നിന്ന് കണ്ടെത്തി. പ്രതികളെയും പെൺകുട്ടിയെയും ചാലക്കുടിയിലെത്തിച്ചു.

അറസ്റ്റിലായ വിശ്വ, സേലം പൊലിസ് സ്റ്റേഷനിലെ ഒരു കവർച്ചക്കേസിലെ പ്രതിയാണെന്നും പൊലിസ് അറിയിച്ചു. നടപടിക്രമങ്ങൾ പൂർത്തിയാക്കിയ ശേഷം പ്രതികളെ കോടതിയിൽ ഹാജരാക്കും.

ചാലക്കുടി ഡി.വൈ.എസ്.പി. ബിജുകുമാർ പി.സി., ചാലക്കുടി പൊലിസ് സ്റ്റേഷൻ ഇൻസ്‌പെക്ടർ സജീവ് എം.കെ., എസ്.ഐ.മാരായ ഋഷിപ്രസാദ്, സുനിൽകുമാർ, എസ്.സി.പി.ഒ.മാരായ ടെസ്സി കെ.ടി., രജനി, ആൻസൻ, ബിനു പി.ബി., സന്ദീപ്, സി.പി.ഒ. സജിത്ത് എന്നിവർ അടങ്ങിയ സംഘമാണ് കേസ് അന്വേഷിക്കുന്നത്.

Thrissur Rural Police arrested two youths, Amal (25) from Thazhekkad and Vishwa (21) from Salem, for kidnapping and raping a minor girl. The crime occurred in Chalakudy, Koratty, Thrissur, Velankanni, and Salem. After a week-long search in Tamil Nadu, the suspects were apprehended in Salem. The victim was rescued, and the accused will be presented in court. Vishwa is also linked to a robbery case in Salem.