പാലക്കാട്: പാലക്കാട് കളിക്കുന്നതിനിടെ വെള്ളക്കെട്ടിൽ വീണ് നാലര വയസുകാരൻ മരിച്ചു. കിഴക്കഞ്ചേരി ജോമോൻറെ മകൻ ഏബൽ ആണ് മരിച്ചത്. തരിശുഭൂമിയിൽ ഉപയോഗശൂന്യമായി കിടന്ന വെള്ളക്കുഴിയിൽ വീണാണ് കുട്ടി മരിച്ചത്.

പ്രദേശത്ത് മറ്റൊരു കുട്ടിയോടൊപ്പം കളിക്കുന്നതിനിടെ കുട്ടി വെള്ളക്കുഴിയിൽ വീഴുകയായിരുന്നു. കൂടെയുണ്ടായിരുന്ന കുട്ടിയുടെ കരച്ചിൽകേട്ട് ഓടിയെത്തിയ പ്രദേശവാസികൾ നടത്തിയ പരിശോധനയിലാണ് കുഴിയിൽ അകപ്പെട്ട നിലയിൽ കുട്ടിയെ കണ്ടത്.