തിരുവനന്തപുരം: ഛത്തിസ്ഗഡിൽ കന്യാസ്ത്രീകളെ അറസ്റ്റ് ചെയ്തതിൽ പ്രതിഷേധിച്ച് ക്രൈസ്തവ സഭകളുടെ രാജ്ഭവൻ മാർച്ച് ഇന്ന്. വൈകിട്ട് രക്തസാക്ഷി മണ്ഡപത്തിൽ നിന്ന് മാർച്ച് ആരംഭിക്കും. അതിനിടെ, കന്യാസ്ത്രീകൾക്കെതിരേ എടുത്ത  കേസ് പിൻവലിക്കാനും അവരെ  വിട്ടയക്കാനും കേന്ദ്രത്തിന്റെ ഭാഗത്തുനിന്ന് നടപടികൾ ഉണ്ടായില്ലെങ്കിൽ വൻ പ്രക്ഷോഭം സംസ്ഥാനത്തുണ്ടാകുമെന്ന് കെ .എൽ .സി.എ സംസ്ഥാന സമിതി അറിയിച്ചു. ഓഗസ്റ്റ് മൂന്നിന് വിവിധ ഇടവക കേന്ദ്രങ്ങളിൽ പ്രതിഷേധ പരിപാടികൾ നടത്തും. 

അതേസമയം, കന്യാസ്ത്രീകൾക്കെതിരായ ഛത്തിസ്ഗഡിലെ അതിക്രമം സംഘ്പരിവാറിന്റെ തനിസ്വഭാവമെന്ന് മുഖ്യമന്ത്രി പിണറായി വിജയൻ. ബജ്‌റംഗ്ദൾ പ്രവർത്തകർ നൽകിയ വ്യാജപരാതിയിലാണ് കന്യാസ്ത്രീകളെ അറസ്റ്റു ചെയ്ത് ജയിലിൽ അടച്ചത്.  ക്രൈസ്തവ സമൂഹത്തിനെതിരായ സംഘ്പരിവാർ അതിക്രമങ്ങളുടെ ഏറ്റവും ഒടുവിലത്തെ ഉദാഹരണമാണിത്. 

ക്രൈസ്തവ ഭവനങ്ങളിലും അരമനകളിലും കേക്കും സൗഹാർദച്ചിരിയുമായി കയറിയിറങ്ങുന്ന കൂട്ടർ തന്നെയാണ് മതപരിവർത്തനവും മനുഷ്യക്കടത്തുമാരോപിച്ച് കന്യാസ്ത്രീകളെ പോലും വേട്ടയാടുന്നത്. രാജ്യത്തിന്റെ ബഹുസ്വരതയെയും സഹവർത്തിത്വത്തെയും  സംഘ്പരിവാർ  ഭയപ്പെടുന്നു. അതുകൊണ്ടാണ്  ന്യൂനപക്ഷങ്ങൾക്കെതിരേയുള്ള ആക്രമണം നടക്കുന്നത്.  മലയാളികളായ കന്യാസ്ത്രീകളെ അറസ്റ്റുചെയ്ത വാർത്ത ശ്രദ്ധയിൽപ്പെട്ടയുടനെ നീതി ലഭ്യമാക്കാൻ  ഇടപെടണമെന്നാവശ്യപ്പെട്ട് പ്രധാനമന്ത്രിക്ക് കത്തയച്ചിരുന്നു. എന്നാൽ, ഛത്തിസ്ഗഡ് മുഖ്യമന്ത്രി അറസ്റ്റിനെ ന്യായീകരിക്കുകയാണുണ്ടായത്. 

വിദ്വേഷവും വിഭജന രാഷ്ട്രീയവും പയറ്റി രാജ്യത്തെ മതനിരപേക്ഷതയ്ക്ക് നിരന്തരം പരുക്കേൽപ്പിക്കാനാണ് സംഘ്പരിവാർ ശ്രമം. ന്യൂനപക്ഷാവകാശങ്ങളിന്മേലും ഭരണഘടന അനുവദിച്ചു നൽകുന്ന മൗലികാവകാശങ്ങളിന്മേലുമുള്ള  കടന്നുകയറ്റങ്ങളെ  എതിർത്തു തോൽപ്പിക്കണമെന്നും മുഖ്യമന്ത്രി പറഞ്ഞു.

In protest against the arrest of nuns in Chhattisgarh, Christian churches will hold a Raj Bhavan march today. The march will begin in the evening from Raktasakshi Mandapam. Meanwhile, the K.L.C.A. state committee has warned that if the central government fails to withdraw the case against the nuns and release them, massive protests will erupt across the state. On August 3, protest events will be held at various parish centers. The protest will be led by state president Adv. Sherry J. Thomas.