ദുബൈ: മന്ത്രവാദം, സാമ്പത്തിക തട്ടിപ്പ്, വഞ്ചന എന്നീ കുറ്റങ്ങൾക്ക് ഒരു ഇറാഖി വനിതയെ അറസ്റ്റ് ചെയ്തതായി ആഭ്യന്തര മന്ത്രാലയം പ്രസ്താവനയിൽ വ്യക്തമാക്കി. ജനറൽ ഡിപ്പാർട്ട്മെന്റ് ഓഫ് ക്രിമിനൽ ഇൻവെസ്റ്റിഗേഷന്റെ ആന്റി-ഫിനാൻഷ്യൽ ക്രൈംസ് ഡിവിഷനാണ് ഇവരെ പിടികൂടിയത്. വ്യക്തിപരവും കുടുംബപരവും സാമ്പത്തികവുമായ പ്രശ്നങ്ങൾക്ക് ഭാവി പ്രവചനവും അമാനുഷിക "പരിഹാരങ്ങളും" വാഗ്ദാനം ചെയ്ത് ഇവർ വൻ തുകകൾ കൈപ്പറ്റിയിരുന്നതായി വിവരങ്ങൾ ലഭിച്ചതിനെ തുടർന്നായിരുന്നു അറസ്റ്റ്.

ഭാവി പ്രവചിക്കാനും മന്ത്രവാദത്തിലും അന്ധവിശ്വാസത്തിലും വേരൂന്നിയ ആചാരങ്ങൾ അനുഷ്ഠിക്കാനും തനിക്ക് കഴിയുമെന്ന് അവകാശപ്പെട്ട് അവർ സഹായം തേടുന്ന വ്യക്തികളുടെ വൈകാരിക ദുർബലത ചൂഷണം ചെയ്തുവെന്ന് അധികൃതർ പറഞ്ഞു.

ALSO READ: കയ്യേറ്റക്കാർക്ക് എട്ടിന്റെ പണി; സർക്കാർ സ്വത്തുക്കളിലെ എല്ലാ കയ്യേറ്റങ്ങളും വേഗത്തിൽ നീക്കണമെന്ന് ഉത്തരവ്

നിരീക്ഷണത്തിലൂടെ വിവരങ്ങൾ സ്ഥിരീകരിച്ച ശേഷം, നിയമപരമായ വാറണ്ട് നേടി, അൽ അദൻ പ്രദേശത്ത് ഒരു രഹസ്യ നീക്കം നടത്തിയാമ് പ്രതിയെ അറസ്റ്റ് ചെയ്തത്. എഴുതിയ മന്ത്രങ്ങൾ, ഔഷധസസ്യങ്ങൾ, എണ്ണകൾ, കുംഭങ്ങൾ, പൂട്ടുകൾ എന്നിങ്ങനെയുള്ള വസ്തുക്കൾ ഇവരിൽ നിന്നും കണ്ടെടുത്തു. പ്രതിയെയും കണ്ടെടുത്ത വസ്തുക്കളെയും കൂടുതൽ നിയമനടപടികൾക്കായി ബന്ധപ്പെട്ട അധികാരികൾക്ക് കൈമാറി.

ഇത്തരം നിയമവിരുദ്ധ പ്രവർത്തനങ്ങളുടെ ഇരകളാകരുതെന്നും സമൂഹത്തിന്റെ ക്ഷേമത്തിന് ഭീഷണിയുയർത്തുന്ന തട്ടിപ്പുകളെ ചെറുക്കാൻ പ്രതിജ്ഞാബദ്ധരാകണമെന്നും ആഭ്യന്തര മന്ത്രാലയം പൊതുജനങ്ങളോട് അഭ്യർത്ഥിച്ചു.

An Iraqi woman has been arrested for sorcery, financial fraud, and deception, according to a statement from the Ministry of Interior. The Anti-Financial Crimes Division of the General Department of Criminal Investigation apprehended the suspect after receiving information about her activities. She had allegedly received large sums of money by promising to predict the future and offer supernatural "solutions" to personal, family, and financial problems [1].