കൊൽക്കത്ത: ഡ്യൂറണ്ട് കപ്പിൽ ജംഷഡ്പുർ എഫ്.സിക്ക് വിജയത്തുടക്കം. ടൂർണമെന്റിലെ ആദ്യ മത്സരത്തിൽ എതിരില്ലാത്ത ഒരു ഗോളിന് ഇന്ത്യൻ ആർമിയെയാണ് ജംഷഡ്പുർ എഫ്.സി തോൽപ്പിച്ചത്. മത്സരത്തിന്റെ തുടക്കം മുതൽ ഇരു ടീമുകളും അക്രമിച്ച് കളിച്ചെങ്കിലും ഗോളൊന്നും കണ്ടെത്താൻ കഴിഞ്ഞില്ല. ആദ്യ പകുതി തുടങ്ങി ഉടൻ തന്നെ ജംഷഡ്പുർ എഫ്.സിക്ക് ഗോളിലേക്കായി അവസരം ലഭിച്ചെങ്കിലും പന്ത് ലക്ഷ്യത്തിലെത്തിക്കാൻ കഴിഞ്ഞില്ല.

ഇന്ത്യൻ ആർമിയും തിരിച്ച് ജംഷഡ്പുർ എഫ്.സിയുടെ ഗോൾമുഖത്തേക്ക് പന്തെത്തിച്ചുകൊണ്ടിരുന്നു. എന്നാൽ ഗോളൊന്നും പിറക്കാത്തിതനെ തുടർന്ന് ആദ്യ പകുതി ഗോൾരഹിതമായി അവസാനിച്ചു. രണ്ടാം പകുതിയുടെ തുടക്കത്തിലായിരുന്നു മത്സരത്തിലെ ഏക ഗോൾ വന്നത്. മലയാളി താരം മുഹമ്മദ് സനാന്റെ വകയായിരുന്നു ഗോൾ. ഒരു ഗോൾ നേടിയതോടെ മത്സരത്തിന്റെ നിയന്ത്രണം ഏറ്റെടുത്ത ജംഷഡ്പുർ പിന്നീട് പലതവണ ഇന്ത്യൻ ആർമിയുടെ ഗോൾമുഖത്ത് പന്തെത്തിച്ച് കൊണ്ടിരുന്നു. 

ALSO READ: ചരിത്രം സൃഷ്ടിച്ച 23കാരൻ ഏകദിന ടീമിൽ; ലോകചാമ്പ്യന്മാരെ വീഴ്ത്താൻ കങ്കാരുപ്പട വരുന്നു

എന്നാൽ ഇന്ത്യൻ ആർമി പ്രതിരോധം ശക്തമാക്കുകയായിരുന്നു. ഈ അവസരത്തിൽ ഗോൾ മടക്കി മത്സരത്തിലേക്ക് തിരിച്ചുവരാൻ ഇന്ത്യൻ ആർമി ശ്രമിച്ചെങ്കിലും ജംഷഡ്പുർ എഫ്.സി പ്രതിരോധം ശക്തമാക്കിയതോടെ അവരുടെ ഗോൾശ്രമം പാഴാവുകയായിരുന്നു. ഇതോടെ മത്സരം 1-0 എന്ന സ്‌കോറിന് അവസാനിച്ചു. ലീഗിൽ ഇന്ന് രണ്ട് മത്സരങ്ങളാണ് നടക്കുന്നത്. വൈകിട്ട് മൂന്നിന് നടക്കുന്ന ആദ്യ മത്സരത്തിൽ ട്രാവു എഫ്.സി നെരോക്കയുമായി കൊമ്പുകോർക്കും. രാത്രി ഏഴിന് നടക്കുന്ന മത്സരത്തിൽ നാംധാരി എഫ്.സി സൗ്ത്ത് യുനൈറ്റഡിനെ നേരിടും.

Jamshedpur FC won the Durand Cup Jamshedpur FC defeated Indian Army by 1 goal to 0 in the first match of the tournament. The only goal of the match came from Malayali player Muhammad Sanan.