മാഡ്രിഡ്: 10 വയസ്സുള്ള മകനെ ഉപേക്ഷിച്ച് അവധിക്കാല യാത്രയ്ക്കായി വിമാനത്തിൽ കയറി ദമ്പതികൾ. സ്പാനിഷ് വിമാനത്താവളത്തിലാണ് ഈ വിചിത്ര സംഭവം നടന്നത്. പേര് വെളിപ്പെടുത്താത്ത ഒരു ദമ്പതികൾ തങ്ങളുടെ മകനെ എയർപോർട്ടിൽ ഉപേക്ഷിച്ച് അവധിക്കാല യാത്രയ്ക്കായി വിമാനത്തിൽ കയറിയാതായി ദി ന്യൂയോർക്ക് പോസ്റ്റ് റിപ്പോർട്ട് ചെയ്തു. 

ദമ്പതികൾ വിമാനത്താവളത്തിലെത്തിയപ്പോൾ, തങ്ങളുടെ കുട്ടിക്ക് കൂടെ യാത്ര ചെയ്യാൻ ആവശ്യമായ യാത്രാ രേഖകൾ ഇല്ലെന്ന് ദമ്പതികൾ മനസ്സിലാക്കി. ഇതേതുടർന്ന് കുട്ടിയെ വിമാനത്താവള ടെർമിനലിൽ ഉപേക്ഷിച്ച് അവധിക്കാല യാത്ര തുടരാൻ അവർ തീരുമാനിച്ചതായി റിപ്പോർട്ട് പറയുന്നു.

വിമാനത്താവളത്തിലെ എയർ-ഓപ്പറേഷൻസ് കോർഡിനേറ്ററായ ലിലിയൻ എന്ന സ്ത്രീയാണ് കുട്ടി തനിച്ച് എയർപോർട്ടിൽ നിൽക്കുന്നത് ശ്രദ്ധിച്ചത്. പിന്നാലെ ഇവർ എയർപോർട്ടിലെ പൊലിസിനോടു വിവരം അറിയിക്കുകയായിരുന്നു. പൊലിസ് കുട്ടിയോട് കാര്യങ്ങൾ അന്വേഷിച്ചപ്പോഴാണ് തന്റെ മാതാപിതാക്കൾ വിമാനത്തിലാണെന്നും അവധിക്കാലം ആഘോഷിക്കാൻ സ്വന്തം നാട്ടിലേക്ക് അവർ പോവുകയാണെന്നും പറഞ്ഞത്.

എന്നാൽ വിമാനം പുറപ്പെട്ടിട്ടില്ലെന്ന് മനസിലാക്കിയ പൊലിസ്, മാതാപിതാക്കളുടെ ലഗേജ് വിമാനത്തിൽ നിന്ന് നീക്കം ചെയ്തു. തുടർന്ന് ദമ്പതികളെ ചോദ്യം ചെയ്യുന്നതിനായി പുറത്തിറക്കി. പിന്നാലെ സ്ഥലത്തെ പൊലിസ് സ്റ്റേഷനിലേക്ക് കൊണ്ടുപോയി. 

അന്വേഷണത്തിൽ, കുട്ടിയുടെ പാസ്പോർട്ട് കാലഹരണപ്പെട്ടതാണെന്നും, വിസ ഇല്ലെന്നും കണ്ടെത്തിയെന്നാണ് വിവരം. വിസ ഇല്ലാത്തതിനാൽ കുട്ടിയെ ടെർമിനലിൽ നിന്ന് വിളിച്ചുകൊണ്ടുപോകാൻ ബന്ധുവിനെ ഏൽപ്പിച്ചിരുന്നതായാണ് മാതാപിതാക്കൾ നൽകിയ വിശദീകരണം.  

സംഭവത്തിൽ വ്യപക പ്രതിഷേധം ഉയർന്നു. വിമാനത്താവളങ്ങളിലും ട്രെയിൻ ടെർമിനലുകളിലും കുട്ടികളെ ഉപേക്ഷിക്കുന്ന സംഭവങ്ങൾ വർധിക്കുന്നതാണ് പ്രതിഷേധത്തിന് പ്രധാന കാരണം.

In a bizarre incident at a Spanish airport, a couple reportedly boarded a flight for their holiday trip after abandoning their 10-year-old son at the terminal. According to a report by The New York Post, the couple — whose names have not been disclosed — left the child behind and proceeded with their vacation plans.