പാലക്കാട്: പാലക്കാട് ശ്രീകൃഷ്ണപുരത്ത് ഒമ്പതാം ക്ലാസുകാരി ആത്മഹത്യ ചെയ്തതില്‍ സെന്റ് ഡൊമിനിക് സ്‌കൂളിലെ അധ്യാപകര്‍ക്കെതിരെ കേസെടുത്തു. ബാലപീഡന നിരോധന നിയമപ്രകാരമുള്ള വകുപ്പുകളാണ് അധ്യാപകര്‍ക്കെതിരെ ചുമത്തിയിരിക്കുന്നത്. സ്റ്റെല്ലാബാബു, സിസ്റ്റര്‍ ജെയ്‌സി, അര്‍ച്ചന എന്നീ അധ്യാപകര്‍ക്കെതിരെയാണ് കേസെടുത്തിരിക്കുന്നത്.

ALSO READ: മലയാളികളുടെ പ്രിയനടന്റെ അപ്രതീക്ഷിത വിയോഗം: കലാഭവൻ നവാസിന് കണ്ണീരോടെ വിട

തച്ചനാട്ടുകര ചെങ്ങളക്കുഴിയില്‍ ആശിര്‍ നന്ദയെയാണ് തൂങ്ങിമരിച്ച നിലയില്‍ കണ്ടെത്തിയത്. കുട്ടി ആത്മഹത്യ ചെയ്യാന്‍ കാരണം സ്‌കൂളിലെ മാനസിക പീഡനമാണെന്ന് ആശിര്‍ നന്ദയുടെ ബന്ധുക്കള്‍ ആരോപിച്ചിരുന്നു. മാര്‍ക്ക് കുറഞ്ഞതിനെ തുടര്‍ന്ന് ആശിര്‍ നന്ദയെ ക്ലാസ് മാറ്റിയിരുത്തിയിരുന്നു. ഇതില്‍ കുട്ടിക്ക് കടുത്ത മാനസിക സംഘര്‍ഷമുണ്ടായിരുന്നു.