എടവണ്ണപ്പാറ: ഓമാനൂര്‍ സംയുക്ത മഹല്ല് കമ്മിറ്റി സംഘടിപ്പിക്കുന്ന ഓമാനൂര്‍ ശുഹദാ അനുസ്മരണ സമ്മേളനം ഇന്നുമുതല്‍ വെള്ളി വരെ ഓമാനൂര്‍ മന്‍ശഉല്‍ ഉലൂം അറബിക് കോളജ് പരിസരത്ത് നടക്കും.
മഖാം സിയാറത്തോടെ തുടക്കമാവുന്ന പരിപാടി ഇന്ന് വൈകീട്ട് ഏഴിന് സമസ്ത ട്രഷറര്‍ സയ്യിദ് ജിഫ്‌രി മുത്തുകോയ തങ്ങള്‍ ഉദ്ഘാടനം ചെയ്യും. എം.എ അലി ഹാജി അധ്യക്ഷനാകും. റഹ്മത്തുള്ള ഖാസിമി മൂത്തേടം മുഖ്യപ്രഭാഷണം നടത്തും. നാളെ ശമ്മാസ് ദാരിമി പായ്പുല്ല് മുഖ്യപ്രഭാഷണം നടത്തും.
വെള്ളിയാഴ്ച നടക്കുന്ന ദിക്‌റ് ദുആ മജ്‌ലിസിന് പ്രമുഖ പണ്ഡിതന്‍ അത്തിപ്പറ്റ മൊയ്തീന്‍കുട്ടി മുസ്‌ലിയാര്‍ നേതൃത്വം നല്‍കും. ജലീല്‍ റഹ്മാനി വാണിയന്നൂര്‍ മുഖ്യപ്രഭാഷണം നടത്തും. സയ്യിദ് ബി.എസ്.കെ തങ്ങള്‍, ശാഫി യമാനി പാതിരമണ്ണ, പി.എ ജബ്ബാര്‍ ഹാജി, പ്രൊഫ. ഓമാനൂര്‍ മുഹമ്മദ് തുടങ്ങിയ നേതാക്കള്‍ സംബന്ധിക്കും.