ന്യൂഡൽഹി: സാൻ ഫ്രാൻസിസ്കോയിൽ നിന്ന് മുംബൈയിലേക്കുള്ള വിമാനത്തിൽ ടിക്കറ്റെടുക്കാത്ത 'ചില യാത്രക്കാർ' കൂടി ഉണ്ടായിരുന്നതായി റിപ്പോർട്ട്. എന്നാൽ ഈ 'യാത്രക്കാർ ഉണ്ടാക്കിയ ബുദ്ധിമുട്ട് ചെറുതായിരുന്നില്ല. എയർ ഇന്ത്യ വിമാനത്തിലാണ് ടിക്കറ്റില്ലാത്ത യാത്രക്കാരായി കുറച്ച് പാറ്റകൾ ഇടംപിടിച്ചത്. രണ്ട് യാത്രക്കാരാണ് ഇവരുടെ സീറ്റിൽ പാറ്റകളെ കണ്ടെത്തിയത്. ഇവർ പരാതിപ്പെട്ടതോടെ ക്യാബിൻ ക്രൂ ഇവരെ മറ്റു സീറ്റിലേക്ക് മാറ്റി.

സാൻ ഫ്രാൻസിസ്കോയിൽ നിന്ന് കൊൽക്കത്ത വഴി മുംബൈയിലേക്ക് പറന്ന AI180 വിമാനത്തിലാണ് സംഭവം. വിമാനത്തിന്റെ സാൻ ഫ്രാൻസിസ്കോയിൽ നിന്നുള്ള കൊൽക്കത്ത വരെയുള്ള യാത്രയിലാണ് പാറ്റകളെ കണ്ടത്. സംഭവത്തിൽ വിമാനക്കമ്പനി തങ്ങളുടെ തെറ്റ് അംഗീകരിക്കുകയും യാത്രക്കാർക്ക് ഉണ്ടായ അസൗകര്യത്തിന് ക്ഷമാപണം നടത്തുകയും ചെയ്തു. കണക്ടിക്ക് ഫ്ലൈറ്റ് ആയിരുന്നതിനാൽ വിമാനം കൊൽക്കത്തയിൽ എത്തിയപ്പോൾ വിമാനം ശുദ്ധീകരിച്ചു. ഇതിന് ശേഷമാണ് വിമാനം മുംബൈയിലേക്ക് പറന്നത്.

ALSO READ: ഓവൽ ത്രില്ലർ: സിറാജിന്റെ മിന്നൽ പ്രകടനത്തിൽ ഇന്ത്യക്ക് അവിശ്വസനീയ വിജയം, പരമ്പര സമനില

കൊൽക്കത്തയിൽ ഷെഡ്യൂൾ ചെയ്ത ഇന്ധന സ്റ്റോപ്പിനിടെയാണ് എയർ ഇന്ത്യ വിമാനത്തിൽ ആഴത്തിലുള്ള ശുചീകരണ പ്രക്രിയ നടത്തിയത്. വിമാനം എല്ലായിപ്പോഴും അകം ഭാഗം പുകയിട്ട് ശുദ്ധീകരണം നടത്താറുണ്ടെങ്കിലും ചിലപ്പോൾ പ്രാണികൾ വിമാനത്തിൽ കടക്കാൻ സാധ്യതയുണ്ടെന്ന് എയർ ഇന്ത്യ അറിയിച്ചു.

സംഭവത്തിന്റെ ഉറവിടവും കാരണവും കണ്ടെത്തുന്നതിനുമായി എയർ ഇന്ത്യ അന്വേഷണത്തിന് ഉത്തരവിട്ടിട്ടുണ്ട്. സംഭവം വീണ്ടും ആവർത്തിക്കാതിരിക്കാനുള്ള നടപടികൾ നടപ്പിലാക്കുന്നതിന് നിർദേശം നൽകിയിട്ടുമുണ്ട്.

അതേസമയം, എയർ ഇന്ത്യയെക്കുറിച്ചുള്ള പരാതികൾ വർധിച്ചുവരികയാണ്. ഞായറാഴ്ച ഭുവനേശ്വറിൽ നിന്ന് ഡൽഹിയിലേക്ക് പോവുകയായിരുന്ന എയർ ഇന്ത്യ വിമാനം ക്യാബിനിലെ ഉയർന്ന താപനില കാരണം റദ്ദാക്കിയതിന് തൊട്ടുപിന്നാലെയാണ് ഈ സംഭവം റിപ്പോർട്ട് ചെയ്തത്.

A strange incident occurred on Air India flight AI180, which was traveling from San Francisco to Mumbai via Kolkata. Cockroaches were spotted on board during the San Francisco to Kolkata leg of the journey, causing concern among passengers.